Дизимнен өтиў    Кириў
Сайтқа кириў


ҚАРАҚАЛПАҚТЫҢ ҲАЎАЗЫ БОЛЫП ЖАҢЛАҒАН АЯЗИЙ
Қандай жақсы усы заманда,
Қарасамда қайсы таманға,
Бир билимсиз адам көрмедим,
Бир ақылсыз надан көрмедим.
Кимди көрсең билип баратыр,
Зейни менен илип баратыр,
Биреўиниң билгенине,
Екиншиси күлип баратыр.
Қарақалпақ әдебиятында ХХ әсир әдебиятының уллы тулғасы, поэзиямыз бәйтереги болған Ибрайим Юсупов 88 жасқа толмақта. Бул инсанның бизге қалдырған көплеген қосықлары, оның қәлеминен дөреген мийраслары қарақалпақ әдебиятында алтын ҳәриплер менен жазылған десек асыра айтқан болмайман. Ибрайим Юсупов поэзиясы Өзбекистан халық шайырасы Зулфия Исраилованың сөзи менен айтқанда: “Қарақалпақ ҳаўазы” болып халқымыздың жүрегинен кеңнен орын алды.

Ибрайим Юсупов 1929-жылы 5-майда Шымбай қаласына жақын жердеги Азат аўылында зыялы адамларының бири Юсуп ахунның шаңарағында дүньяға келген. Ол 1949-жылы Қарақалпақ мәмлекетлик педагогикалық институтин тамамлап, усы институтта оқтыўшы болып ислейди. 1961-1962-жыллары “Амиўдарья” журналының бас редакторы, 1962-1965-жыллары Нәжим Даўқараев атындағы тарийх, тил ҳәм әдебият институтында илимий хызметкер, кейин бөлим баслығы, 1965-1980-жыллары Қарақалпақстан жазыўшылар аўқамының баслығы, 1980-1985-жыллыры “Еркин Қарақалпақстаң” газетасында бас редактор, буннан кейинги жылларда Республикалық парахатшылықты қорғаў қорының, Республикалиқ руўхый ҳәм ағартыўшылық орайының баслығы лаўазымларында ислейди. Шайыр түрли тараўларда хызмет етиўине қарамастан, дөретиўшилик мийнет оның өмир жолының ажыралмас бөлеги болды. Ол өзиниң жасаған заманында қандай жаңалықлар болса, оларды лирикалиқ, лиро-эпикалық, драмалық ҳәм прозалық шығармаларында кеңнен сәўлелендирип келди. Шайырды Өзбек, Қырғыз, Түркмен, Рус тиллеринде қырыққа жақын қосықлар ҳәм поэмалар топламлары басылып шықты.
Оның бизге щекем “Кеўил кеўилден суў ишер”, “Мәңги булақ”, “Аласатлы дүнья бул”, “Заман ағымы” ҳәм тағы бақа да топламлары жарық көрген. Шайыр “бир роман мазмунын бир көплет қосық менен ашып бериўге болады” деп жазған. Ҳақыйқатан да устаз шайырдың ҳәр бир қосықларын оқып көрсек терең мазмунға ийелигин, айрықша шеберлилик менен жазылғанын көриўимизге болады.

Өмирбаева Нәзминайим
ҚМУ журналитика қанигелиги 1-курс студенти
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: