Дизимнен өтиў    Кириў
Сайтқа кириў


Экоҳәрекетлердиң ҳәрекетлери



Өзбекистан Республикасы бир неше халық аралық экологиялық ҳәрекетлерге ағза есапланаы. Мәселен, «Халықаралық әҳмийетке ийе суў, батпақлы жерлер ҳаққындағы» конвенцияға қосылғанлығын айтып өтиўимизге болады. 1993-жылы Бирлескен Миллетлер Шөлкеми Бас Ассамблеясының 48-сессиясында жасаған баянатында Президентимиз Арал теңизи кризиси улыўма жер жүзилик машқала болып оны көплеген еллер менен биргеликте шешиў зәрүлигин билдирип өтти.
Бирлескен Миллетлер Шөлкеми, Глобал Экологиялық Қоры ҳәм Қарақалпақстан Республикасы ҳүкимети менен биргеликте 2006-2011-жылларда Қарақалпақстанда тоғайларды сақлап қалыў ҳәм қорғалатуғын тәбийғый аймақлар системасын беккемлеў жойбары әмелге асырылды. Өзбекистан Республикасы Экономика министрлиги қоллап қуўатлаўында ҳәм Қарақалпақстан Республикасы Министрлер кеңеси, БМШ Раўажланыў бағдарламасы ҳәм ЮНЕСКО, (БМШның билимлендириў, илим ҳәм мәденият ислери бойынша шөлкеми) ЮНФПА (БМШның халықтың өсими бойынша қоры), ДДСШ (Дүнья жүзлик ден саўлықты сақлаў шөлкеми), ЮНВ (БМШ ықтыярлы бағдарламасы) шөлкемлери менен биргеликте «Арал теңизи менен байланыслы дағдарыстан жәбирленген халықтың турмыс дәрежесин жақсылаў» атамасындағы жойбар республикамыз бойлап ҳәрекет етип атыр.
Мәмлекетимиз тәрепинен бир неше басламалар, соның ишинде суў ресурсларын басқарыў бойынша жойбарлар әмелге асырылып атыр. Буннан тысқары усы бағдар бойынша халықаралық шөлкемлер ЮНИСЕФ, халықаралық Банк, БМШ Раўажланыў бағдарламасы, сондай-ақ, Өзбекистан аўыл халқын суў ресурслары менен тәмийнлеў жойбарлары өз жумысларын алып бармақта. Қубла Арал бойы регионында ең ири инвестициялық жойбарлар тийкарына жумыс алып барып атырған «Аral Sea Operating Company» қоспа кәрханасы ҳәм бирлескен Миллетлер Шөлкеминиң Өзбекстандағы ўәкилханасы тәрепинен әмелге асырылып атырған бир қатар социаллық жойбарлар сол аймақ турғынларының жасаў жағдайын жақсылаўда жумыс алып бармақта.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: