Дизимнен өтиў    Кириў
Сайтқа кириў


«ТАРИЙХТАН САЗА БЕРИЎШИ АБАТ МӘКАН» акциясы ҳәрекетте
2015-жылы 7-апрель күни Өзбекистан Миллий тикланиш демократиялық партиясы Қарақалпақстан Республикасы Кеңеси «Жаслар қанаты» тәрепинен «Журтым тарийхын үйренемен» сүрени астында «Тарийхтан саза бериўши абат мәкан» атамасындағы жаслар акциясы өткерилди.
Ҳәзирги ўақытта Республикамыз аймағында төрт мыңнан асламәййемги дәўир цивилизацияларына тийисли архитектуралық ҳәм мәдений естеликлер бар болып, соннан 140 тарийхый орын ЮНЕСКО тәрепинен қорғалатуғын тарийхый естеликлер дизимине киритилген. Бул тарийхый-мәдений естекликлерди қорғаў бойынша мәмлекетимизде бир қатар нызам ҳүжжетлери қабыл етилген. Атап айтатуғын болсақ, 2009-жылы 9-октябрьде «Мәдений мирас объектлерин қорғаў ҳәм олардан пайдаланыў ҳақында»ғы Өзбекистан Республикасының Нызамына өзгерислердиң киритилиўи, «Археологиялық мийрас объектлерин қорғаў ҳәм олардан пайдаланыў ҳаққында»ғы Өзбекистан Республикасы Нызамлары пикиримиздиң айқын дәлили бола алады. Хожели районы аймағында жайласқан Миздахқан археологиялық – архитектуралық комплекси б.э.ш. IV ҳәм б.э. XIV әсирлерине тийисли болып, комплекс қурамына Гәўир-қала, Шамун-Наби, Назлымхан сулыў, Халифа Ережеп мавзолейлери киреди.
Ашық аспан астындағы музей есапланған Миздахқанның тарийхын үйрениў, бул зиярат орынларын абаданластырыў, әсиресе бул жерлерде туризмди раўажландырыў ең әҳмийтли мәселелердиң бири болып табылады.
Партияның «Жаслар қанаты» тәрепинен шөлкемлестирлген акциясы бул бағдардағы әмелге асырылып атырған жумыслардың әмелий көриниси болып табылады.
Акцияны өткериўдеги тийкарғы мақсет республикамыз жасларының мәнәўиятын және де жоқарылатыў, дәстүрлеримиз ҳәм олардың негизинде сәўлеленген меҳир-муҳаббат, инсанды уллылаў, миллий қәдириятларымызды қәдирлеў ҳәм оларды үгит-нәсиятлаў арқалы ҳүрмет руўхында тәрбиялаўдан ибарат.
Акция даўамында жаслар Миздахқан археологиялық – архитектуралық комплекси әтирапын тазалап, абаданластырыў ислерин әмелге асырды. Акцияға ӨзМТДП ҚР Кеңеси Атқарыў Комитети аппарат баслығы Л.Абдимуратов, партияның Нөкис қалалық Кеңеси баслығы Қ.Турдыбаев, «Жаслар қанаты» белсендилери, Бердақ атындағы Қарақалпақ мәмлекетлик университети оқытыўшылары менен студентлери қатнасты.

Оразымбетова З.Қ.
Журналист
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: