Дизимнен өтиў    Кириў
Сайтқа кириў


ДҮНЬЯНЫ ДҮЗЕТИЎ
Бир адам екшемби күни бир ҳәптелик шаршаўын шығарайын деп ерте таңнан қолына газетасын алып күн бойы ҳеш нәрсе ислемей, ҳеш жерге бармай үйде болыўды режелестирди.

Сол пайыт баласы қасына келип паркке қашан апаратуғынын сорады.
Шынында да ол кеше перзентине ертең қыдыртатуғынын айтып ўәде берип қойған еди. Бирақ, әкениң бүгин көшеге шыққысы келмей тур. Сол мәҳәли көзи қолындағы газетаның арқа тәрепиндеги дүнья картасына түсти. Газетаны бир нешше бөлеклерге жыртып баласына былай деди: Егер усы картаны қайта қурастырып шыға алсаң, сени паркке апараман.

Арадан он минуттай ўақыт өтер өтпестен баласы әкесиниң қасына жуўырып келип былай деди: - Аға, картаны қурастырдым, енди паркке барамыз ба?
Ағасы алдын буған оншелли исенбеген болса да, кейиншелли өз көзи менен көрип таң қалды. Қараса, карта пүтин, қурастырылған.

- Буны қалайынша иследиң?» деп сорады баласынан.

Ал, баласының берген жуўабы оннан да бетер ҳайран қаларлық ойландырарлы еди:

- Картаның артқы тәрепинде бир адамның сүўрети бар екен, адамды дүзетип едим, дүнья өзинен өзи дүзелди.

Аўдармалаған: Светлана ЖАЛМЕНОВА
Дерек: Karsu.uz дан алынды.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: