Дизимнен өтиў    Кириў
Сайтқа кириў


«ЖАС ЖУРНАЛИСТ -2016» таңлаўы жуўмақланды
Дүньяда кәсиплер көп, бирақ сондай бир кәсип бар, ол мәмлекеттеги, жәмийеттеги жетискенликлерди, ўақыяларды сәўлелендириў менен бирге, унамсыз қубылысларды сынға алады, барлық жат иллетлерге қарсы гүрес жүргизип, жәмийеттиң саламатласыўына үлесин қосады. Бул журналист кәсиби.
Биз журналист дегенде ең биринши гезекте өз орнын ҳәмме ўақыт өмирдиң ең қызғын жеринде деп билетуғын, ҳәр қандай жағдайда да халық ҳәм жәмийет мәплерин қорғаў жолында кәсиплик шеберлиги ҳәм пухаралық позициясын көрсете билетуғын, турақлы ҳәм жаўынгер инсанларды көз алдымызға келтиремиз.
Бүгинги ғалаба хабар қураллары хызметлери жаңалықларды жеткерип бериў мүмкиншиликлериниң шексизлиги менен де айрықша түс алмақта. Солай екен, бүгинги кешемизде журналистика тараўында билим алып атырған жасларымызды өз кәсибиниң маманы, пидәкери ҳәм жанашыры етип жетилистириў нәзерде тутылады.
Усы мақсет менен Бердақ атындағы Қарақалпақ мәмлекетлик университети журналистика кафедрасы тәрепинен 2015-жылдан берли «Жас журналист» таңлаўы шөлкемлестирилип келинбекте. Таңлаўдың мақсети журналистика қәнигелиги бойынша тәлим алып атырған болажақ журналистлердиң талантын, уқыбын, еркин пикирлеў қәбилетин, дөретиўшилик искерлигин жетилистириў, жүзеге шығарыў, олардың өз кәсибине ықласын ҳәм қызығыўшылығын еле де арттырыўдан ибарат. Жаңа жыл алдынан бул таңлаўдың нәтийжеси, яғыный жеңимпазларды сыйлықлаў кешеси болып өтти.
Кешени университет проректоры Ҳ.Турсунбаев ашып берди.
Буннан соң кафедра баслығы З.Оразымбетова кирис сөз сөйледи.
Кафедра доценти З.Қожықбаева журналистика кафедрасының бир жыллық жетискенликлерине шолыў жасады.
Буннан соң «Жас журналист-2016» таңлаўының жеңимпазлары сыйлықланды. Олар менен таныстырамыз. Мәрҳамат.

1) «Ең жақсы әмелиятшы студент» - Турешова Сәрбиназ (4-курс);
2) «Ең жақсы Интернет материалы» - Мәмбетниязова Муслима (4-курс);
3) «Ең жақсы фото материал» - Мухиятдинова Турсынай (3-курс);
4) «Ең жақсы радио материал» - Есемуратова Сахибжамал (1-курс магистрант);
5) «Ең жақсы баспасөз материалы» - Искендеров Жәҳәнгир (2-курс);
6) «Ең жақсы теле материал» - Алланиязова Замира (2-курс);
7) «Ең жақсы сын мақала» - Әжимуратов Азамат (3-курс);
8) «Университет ҳаққында жазылған ең жақсы материал» - Хожамуратова Зийўар (3-курс);
9) «Балалар ушын жазылған ең жақсы материал» - Абдуллаева Зухра (4-курс);
10) «Ең көп мақала жәриялаған студент» - Абатова Улбосын (3-курс).

Жеңимпазлар студентлеримизди шын кеўилден қутлықлап, оқыўларында үлкен табыслар тилеймиз.

Оразымбетова Злиха
ҚМУ, журналистика кафедарасы баслығы
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: