Дизимнен өтиў    Кириў
Сайтқа кириў


СӨНГЕН ФУДЗИАМА ВУЛКАНЫ жайласқан мәмлекет қайсы?
Япония күн шығыс тәрептеги атаўларда жайласқан мәмлекет. Соның ушын да оны әзелден күн шығар мәмлекет деп атайды. Японлар оны Ниппон дейди. Мәмлекет майданы 376 мың кв.км. Япония атаўлары арқадан қублаға қарай бир қанша аралықты ийелейди. Бул жердеги атаўлардан 4еўиниң майданы әдеўир үлкенирек. Оларға Хансю, Хоккайдо, Кюсю ҳәм де Сикоку атаўлары киреди.
Мәмлекет майданының улыўма 75 пайызы бәлент ҳәм тик таў етеклеринен ибарат. Олар қалың Тереклер менен қапланған. Ең бәлент таўы сөнген Фудзиама вулканы. Оның бийиклиги 3776 метр. Бул таў Японияда муқаддес есапланады. Японияда ҳәрекеттеги вулканлар, ыссы суўлы булаклар жүдә көп. Бул жерде тез-тезден жер силкиниўлер болып турады.
Японияда император ҳәкимияты Конститутсия менен шеклеп қойылған. Әмелде мәмлекетти ўәзирлер мекемеси басқарады. Парламент Япониядағы мәмлекетлик басқарыўдың ең жоқарғы ҳәм бирден-бир нызам шығарыўшы орган.
1990-жылы 29-ноябрьде парламент өзиниң жүз жыллық юбилейин белгилеп өтти. Ол 500 орынлық ҳәкимшилик палатасы орнына ҳәм 252 орынлық палата кеңесгөйлерине ийе.
Японияның пул бирлиги-иена болып, бир иена 100 сенамға тең. Иена сөзи «эн» японша «дөңгелек» деген мәнини билдиреди. Әййемде Японияда теңгелер дөңгелек, туўры мүйешли формаларда болған.
Мәмлекетлик тили – япон тили.
Халқының саны 127 млн адам болып, Хонсю атаўында–101 млн., Кюсю атаўында–14 млн., Сикоку атаўында–4 млн. Хоккайдо атаўында болса–6 млн.адам жасайды.
Халқының саны бойынша дүнья еллери арасында сегизинши орында. Халқының бестен төрт бөлими қалаларда жасайды. Япония бир миллетли ел, яғный халқының 99 пайызын японлар қурайды, ал қалған бес пайызы басқа миллет ўәкиллери есапланады. Мийўели бағлар жыл сайын өзиниң үлкен бөлегин раўажланып баратырған қалалар ҳәм де ири-ири имаратларға босатып бермекте. Бул жерде 200 ден аслам ири қалалар бар. Японияның пайтахты болған Токио қаласы да дүньяның ең ири қалаларының бири. Токио сөзи «Шығыс пайтахты» деген мәнини билдиреди. Бул жерде 30 миллионға жақын адам жасайды.
Японияның ықлымы муссон характеринде. Қыс айлары салыстырмалы түрде қурғақ ҳәм де суўық, Ал, жаз болса, ығаллы ҳәмде ыссы болады.
XIX әсирде Япония санааты жүдә тез пәт пенен раўажлана баслады. Бүгинги күнде ол санааты раўажланған мәмлекетлер арасында АҚШтан кейин екинши орында турады.
Хансю Япониядағы ең ири атаў есапланады. Бул жерде жүдә көп вулканлар бар.Соның ушында бул жерде көп жер силкиниўшилик болып турады.
ХОККАЙДО Японияның арқа тәрепинде жайласқан болып, оның майданы 83,000 кв.км. Майданының дерли үштен бир бөлими тоғайлар менен қоршалған.
КЮСЮ атаўының майданы 42,000 кв.км. Ол өз алдына экономикалық район есапланады. Административлик қурамына Фукуока, Сага, Нагасаки, Оита, Кагосима киргизиў мүмкин. СИКОКУ атаўының майданы 19,000 кв.км. Бул атаў Субтропикалық зонада жайласқан болып, ықлымы ығаллы.
Японлар турмысында Европа мәмлекетлери турмысынан ажыралып туратуғын өзине жараса тәреплерин сақлап келмекте. Олардың үйлеринде мебеллер кем, ханаларының жер төсеклерине салы пақалынан тоқылған төсеклер салып қойылған.Үйге кирерде аяқ кийимлерин босағада шешип киреди. Жер төсеклерде отырып аўқатланады. Жер төсеклерге төсек салып уйықлайды, соның ушын да ҳәр дайым үйлерин азада сақлайды. Мәмлекетте пайдалы қазылмалар ҳәм де тәбийий ресурслар жүдә аз, сол себепли оның хожалығы сыртқы саўдаға жүдә байланыслы.
Япония менен Өзбекистан Республикасы ортасында дипломатия мүнәсибетлери 1992-жылы орнатылған.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: