Дизимнен өтиў    Кириў
Сайтқа кириў


ЎАҚЫТ – МИСЛИ ТУЛПАР…
Мисли тулпар аттай желиген өмир,
Пурсат бермес кеўилиңди жазыўға.
Табылмайды жаймашуўақ ўақыт бир,
Биреў тыңлап, биреў оны айтыўға.

Өтер бәҳәр, өтер жазда сездирмей,
Ким билипти қырқтың сонша жақынын.
Отыз деген өтип кетти көз илмей,
Жыллар жылжый бермес екен ақырын.

Жигирманы бир жүгирип өттик пе?
Жас келин ҳәм күйеў болған мәўритим…
Ўақтында бир қәдириңе жеттик пе?
Студентлик мисли алтын дәўирим…

Шалалығым – балалықты еслесем,
Өмиримниң қайталанбас демлери.
Ана болып ақ бесикти тербесем,
Ғаррылыққа жетелейсең сен мени.

Аппақ қыраў бүгин таўдың басында,
Ақ тулпарым ақ шаңғытты сызады.
Ески альбомдағы қызлар қасымда,
Бирақ, бүгин кемпирлерге усады.

Жыллар өтседағы, кеўил қартаймас,
Текте, әжим басып барар жүзлерди.
Буған ашынбайды, буған налынбас,
Қуўантада ақлығының сөзлери.

Оҳ, не деген шапқыр жыллар тулпары,
Бул мәўиртте өтип кетер, жар урмай.
Билсек қолымызда бахыт суңқары,
Бирақ, барды сезбеймиз-аў, жоқ болмай.


Оразымбетова Злиха
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: