Дизимнен өтиў    Кириў
Сайтқа кириў


ЖАН ДАЎЫСЫ
Туўыла сала машина айнасынан ылақтырылып, набыт болған гөдектиң МОНОЛОГЫ

Келдим, кеттим, мен Сизлерге не жаздым.
Анашым-ай усыншама, неге аздың?!
Жатырыңнан сәл кеңирек көликтен,
Басқа реңди көрсетпедиң, неге аз күн?!

Анашым-ай, қулақ салшы қурсағыңда бүрлек-ем,
Перзентиңмен бир күн өмир сүрмеген.
Сыртқы әлемниң салқынлығын сезсем де,
Бирақ, бунша суўықлығын билмеп-ем.

Сен жылытар, деп ем, денем музласа,
Алдандық аў, журт сөкпесин, Сизди аса,
Ким емеди, айтшы соны анашым,
Сүтке толып, ақ мәммеңиз сызласа.

Әдиллик пе туўасала өлмегим,
Неге маған сулыў исим бермедиң?
Шиллехана жасамады әкем де,
Атамның да түрин неге көрмедим?!

Әжетайым, жанды аўыртып, киндигимди жулмалап,
Қутылыўға асықтың-аў жылдам-ақ,
Бесигиме бөлеп қойсаң, мен Сениң,
Мазаңды да алмас едим ингәлап.

Болар едим қол-қанатың, ермегиң,
Әзирейлим боп шықтың-аў, Сен мениң,
Әжетай-аў, ҳәййиў айтқың келмесе,
Баласы жоқ жанға неге бермедиң?!

Әй Адамлар, мен жолдаман, мени умытып кетпеңлер,
Аза тутып атыр маған көк ҳәм жер.
Дым болмаса баспаңларшы мийимди,
Жыйнап алсын КЕПТЕРЛЕР!!!

Қазақ ақыны Қуўаныш ОЮЛЫ.
Қазақ тилинен З.Оразымбетова аўдармасы.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: