Дизимнен өтиў    Кириў
Сайтқа кириў


АППАҚ ҚАР
Жапалақлап жаӯар аппақ, аппақ қар!...
Әл-аспаннан тап-тазалық таралар.
Сымға қонған үркек қустай балалық,
Узақ-узақлардан әсте сығалар…
Реңине ақшыл бултлар нур салған,
Суӯық күнди пуӯы жылыта алған,
Еле де ақша қар енер түсиме,
Қысқы қуяш шағылысып доланған.
Шоқ балалар шана менен думалап,
Маған да қар атар еди қуӯалап.
Ойынша, кеӯлимде қалғысы келер ̶
Шаққанлығы, күши менен дуӯалап…
…Бир бала бар еди, көзлери ̶ меҳир,
Жүзеге шықпаған сөзлери меҳир.
Куӯып жетседағы «боямас» еди,
Қайта айтар еди, «тоңдың ба, кешир…»
Қар менен урыӯды нийет етсе де,
Ҳәмме киби шаққанлығы жетсе де ̶
Батынбаған усы бала қәлбимде ̶
Қалды, аппақ қарлар ерип кетсе де…

Малика ЖУМАМУРАТОВА.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: