Дизимнен өтиў    Кириў
Сайтқа кириў


«ГЛОБАЛЛАСЫЎ ПРОЦЕСИ ҲӘМ ҒАЛАБА ХАБАР ҚУРАЛЛАРЫ ХЫЗМЕТИ» атамасындағы конференция табыслы өтти
Пайтахтымыздағы «Жаслар орайы»нда Журанлистика кафедрасы тәрепинен шөлкемлестирилген «Глобалласыў процеси ҳәм ғалаба хабар қураллары хызмети» атамасындағы республикалық илимий-теориялық конференция табыслы болып өтти. Дәслеп конференция қатнасыўшылары ҳәм қызығыўшылар, мийманлар дизимнен ѳтип, соң журналистика кафедрасы тәрепинен шѳлкемлестирилген китаплар кѳргизбесин тамашалады.

Конференцияны университет ректоры М.Жуманов кирис сѳз бенен ашты.
Буннан соң Қарақалпақстан Республикасы Жоқарғы Кеңесиниң Комитет баслығы Б.Нурабуллаев конференция қатасыўшыларын қызғын қутлықлады ҳәм табыслар тиледи. Соң Ѳзбекистан Республикасы Олий Мажлиси Сенати ағзасы, «Қорақалпоғистон тонги» газетаси Бас редакторы Гулистон Аннақличева «Ёшлар маънавиятини юксалтиришда матбуотнинг ўрни ва роли», Қарақалпақстан Журналистлер аўқамы баслығы, «Еркин Қарақалпақстан», «Вести Каракалпакстана» газеталарының бас редакторы Кеңесбай Реймов «Глобалласыў дәўиринде журналистиканың жаңа ўазыйпалары», Қарақалпақстан Республикасы Министрлер Кеңеси баспасѳз хызмети баслығы Есимхан Қанаатов «Ашық айдынлық – демократия айнасы», Өзбекистан Мәмлекетлик Жәҳән тиллери университети доценти, филология илимлери кандидаты Наргис Қасимова «Журналист касб одоби масалалари: кеча ва бугун», ҚМУ журналистика кафедрасының баслығы, филология илимлери кандидаты Злиха Оразымбетова «Интернет информацияларының манипулияциялық тәсири» атамаларындағы илимий баянатларын оқыды.

Сондай-ақ конференцияда қатнасыўшылардан профессор Қ.Жаримбетов, доцент П.Алламбергеновалар да сѳзге шығып, ѳткерилип атырған бул конференцияның әҳмийетине кең түрде тоқтап ѳтти.
«ГЛОБАЛЛАСЫЎ ПРОЦЕСИ ҲӘМ ҒАЛАБА ХАБАР ҚУРАЛЛАРЫ ХЫЗМЕТИ» атамасындағы конференция табыслы өтти
Конференция даўамында университет жәмәәти ҳәм университет «Камолот» ЖЖҲ БШ тәрепинен шөлкемлестирилген «Ең жақсы интернет мақаласы» таңлаўының нәтийжелери жәрияланды. Оған көре «Ең көп оқылған мақала» номинациясы бойынша 1-орынға 2188 рет оқылған «Мен оны былай да еслеймен» (авторы Абдимуратов Абдисамет ҚМУ Мәлимлеме-ресурс орайы директоры), 2-орынға 1047 рет оқылған «Муҳаббаттан дөрелген дүрданалар... Ямаса ашықлар тәғдири» (авторы Азирбаев Раўаж ҚМУ тарийх тәлим бағдары 3-курс студенти), 3-орынға 753 рет оқылған «Электрон журналдан пайдаланыў тәртиби» (авторы Шыхыев Рахим Әмелий математика кафедрасы ассистент оқытыўшысы) ылайық деп табылды.

Ал, «Ең жақсы мазмундағы мақала» номинациясы бойынша 1-орынға «Кимди болса да ойландыратуғын жағдай» мақала (авторы Мамбетниязова Муслима 3-курс журналистика тәлим бағдары студенти), 2-орынға «Сизге саламатлық тилеймен…» (авторы Бекбаўлиев Даўлетбай Журналистика кафедрасы доценти), 3-орынға «Информациялық қәўип глобал машқала» атлы мақала, (авторы Оразымбетова Злиха Журналистика кафедрасының баслығы) ылайық деп табылды. Жеңимпазларға ҳүрмет жарлығы ҳәм баҳалы саўғалар тапсырылды.
Солай етип, конференцияның биринши бѳлими ѳз жуўмағына жетти. Күнниң екинши ярымында болса конференция жумысы университеттиң қарақалпақ филологиясы факультетинде секцияларға бѳлинген ҳалда ѳз жумысын даўам етеди.

Жанабай Марзияев
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: