Дизимнен өтиў    Кириў
Сайтқа кириў


ГАЗЕТА РЕКЛАМАЛАРЫНДАҒЫ НЕОЛОГИЗМЛЕР
Бүгинги газета рекламасының бир қанша түрлери бар. Олар: плакатлар, афишалар, проспектлер, катологлар, альбомлар, киритпелер, буклетлер, еслетпелер қағаз-рекламалар, товар яриклери, этикеткалар, баҳа көрсеткишлери ҳәм т.б. Бундай газета рекламаларында жийи арнаўлы терминлер менен неологизм сөзлер қолланылады. Оларда қолланылатуғын сөзлерге таллаў жасайық.
Афиша (француз тилинен алынған)- өзгешелигине бола плакат-рекламаға бир қанша жақын. Бирақ белгили бир спектакль, концерт, лекция ҳәм тағы басқа ўақыя ҳәм жаңалықларға байланыслы хабарлардан ибарат болады.
Каталог (грек тилинен алынған, дизим мәнисин береди) затлардың ҳәм товарлардың системалы дизимлеринен ибарат болады. Сондай-ақ, товарлар, хызметлар ҳаққында толық ҳәм избе-из системалы хабар ҳәм олардың мақсетке муўапықлығы туўралы анық мағлыўматлер береди. Бундай рекламалар товар, хызметлер ҳаққында тек мағлыўмат берип қоймастан, соның менен бирге оларды қай жерден, қандай шәртлер менен, қандай усыллар менен сатып алыў ҳәм пайдаланыў ҳаққында да кең мағлыўматлер жеткизеди.
Проспект (латын тилинен алынған, болып негизгинде үш мәниге ийе, бириншиси, көринис, объект мәнисинде, екиншиси қайсыдур нәрсе ямаса жумыстың толық жобасы, үшиншиден, рекламалық мәниси) каталогқа жақын болып, товарлар сыпатламасынан ибарат кишкенерек брошюра формасында болады ҳәм олардың ҳәр биринде бирдей түрдеги товар ҳәм хызметлер ҳаққында анық мағлыўмат келтириледи.
Альбом - баспа өними есапланып, сүўрет, сызылмалар, фотоматериалларға ийе болады ҳәм де оларға қысқаша түсиндириў текстлери қосылған болады.
Буклет те - баспа өними есапланады. Онда мазмун тек бир қағазға жайластырылады, онда қағаз сондай етип бүкленеди, оны кеспей ямаса қырықпастан арқайын оқыў ҳәм көриў мүмкин болады.
Ярлик - онша үлкен болмайды, онда товардың аты, муғдары, салмағы, баҳасы көрсетиледи, кәрхана ямаса фирма аты бериледи, сондай-ақ, товар мөри ямаса белгиси көрсетилген болады.
Этикетка (француз тилинен алыған) - көбинесе сүўретлер менен безетиледи ямаса фотографияға ийе болады. Оларда товар сүўретленеди ҳәм текст болады. Этикетка, улыўма алғанде, товарлардың рекламалы ораўы, албетте, товарды танытыўдың усылларынан бири болып табылады, бунда сүўретлердиң, эмблема, жазыў, реңлердиң уйғынлығы ҳәм тағы басқа да бирликлердиң бирлиги тийкарында ерисиледи.
Тираж (француз тилиндеги triage сөзинен алынған) – лотерия ойынының бақышлары ямаса баспа өнимлериниң саны, көрсеткиши;
Тест (инглис тилиниң test сөзинен алынған) – пайдаланыў, излениў ямаса өз мүмкиншилигиңди сыпан көриў ушын белгиленген тапсырма ҳәм ўазыйпалар.
Технология (грек тилинен алынған, techne-искусство, шеберлик, logos-илим, түсиник деген мәнилерин береди ) – илимий көрсеткишке ийе болған ис усыллары жыйнағы.
Абитуриент (латын тилиниң abiturientis cөзинен келип шыққан) – оқыўға тапсырыўшы.
Абонент (немис тилиниң abonnent сөзинен алынған) – абонементтен пайдаланыўшы адам ямаса телефонға ийе болған кәрхана, мәкеме, шөлкем ямаса адам.
Агент (латын тилиндеги agens сөзинен алынған, ҳәрекет етиўши мәнисин береди) – белгили бир шөлкем, мәкеме, кәрханаға ис жүзинде хызмет көрсетиўши, айрықша ўазыйпаларды атқарыўшы адам.
Агитация (латын тилиндеги agitatio сөзинен алынған)- негедур, кимгедур тасир етиўши, қозғаў салыўшы мәнисинен келип шыққан. Бул ҳәзирги ўақытта көшиликтиң кейпиятына ҳәм санасына тәсир етиўши сиясий ҳәрекетлер, шығып сөйлеўлер, бағдарламалар ҳәм сүренлер болып есапланады.
Кредит - (латын тилиндеги creditum cөзинен алынған, бизиңше товар ямаса ақшаның қарызға берилиўи мәнисин береди).
Кризис – (гректиң krisis cөзинен келип шыққан, шешим, қыйын-өтиў дәўири мәнилерин береди).
Баспасөздеги рекламалардың жәмийетлик, мәдений байланыслары ең дәслеп әдебий тил арқалы әмелге асырылады. Тилдиң сөзлик қатламы неологизмлер ҳәм терминлер есабынан жетилисип ҳәм кеңейип отырады. Соның менен бирге ол раўажланған тилдиң тийкарғы реаль көрсеткишлериниң бири болып табылады.

Усыларды конспект етинлер, хурметли 1-курс студентлери
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: