Дизимнен өтиў    Кириў
Сайтқа кириў


ПАЙҒАМБАР-ШАЙЫР
Бурынғы Аўқам дәўиринде жазыўшы-шайырлар тез-тезден Москваға ҳәртүрли жыйналыс, мәресимлерге жыйналып турған. Сол ўақта пүткил Аўқамға абырайлы, уллы жазыўшы-шайырлардан болған Шынғыз Айтматов (қырғыз жазыўшысы), Расул Гамзатов (авар шайыры), Мустай Карим (башқурт шайыры), Қайсын Қулиев (балқар шайыры), Давид Кугультинов (қалмақ шайыры), Ибрайым Юсуповлар – жәми алты уллы сөз зергерлери бәрқулла бирге жүреди екен (Бул топарға кейин ала қазақ сатириги Қалтай Мухамеджанов та қосылған). Гезектеги бир жыйналыстан шыққан соң усы алты арыслан Ибрайым ағаның мийманханадағы номерине барады. Гә саз, гә сәўбет қылып, тилек айтысып отырады. Бир ўақта Қайсын Қулиевке тилек айтыў гезеги келеди. Сонда ол: Мен бул қадақты түрки тиллерде жазатуғын шайырлардың пайғамбери ушын көтеремен! Бул пайғамбер – Расул, сен шайырсаң, бирақ бул сен емессең, себеби сен түрки тилинде жазбайсаң. Шынғыз, сен ҳәм емессең, себеби сен прозаиксең. Мустай, сен жақсы шайырсаң, жақсы драматургсең, бирақ бул сен емес. Давид, сен де емессең, сен сирә түркийге жақынламайсаң! Бул пайғамбер – Ибрайым Юсупов! Ибрайым – түрки тиллеринде жазатуғын шайырлардың ПАЙҒАМБАРЫ!
Мен Ибрайымның шығармаларын оригинальда оқыйман (балқар тили қарақалпақ тилине оғада жақын – Е.Қ.). Шығармаларын оқып болып, Ибрайымның шығармашылық тараўында усы отырған ҳәммемизден уллы екенлигине көзим жетти! Әне, соның ушын бул инсанды ПАЙҒАМБЕР деп сыйлайман! Соның ушын мен сениң алдыңда диз шөгип, усы қадақты тартып жиберемен! – деп Ибрайым ағаның алдында ырасында да диз шөккен екен.
«Ибрайым ағаның 63 жыллық юбилейинде банкетте усы ўақыяны отырған адамларға айтып бердим. Шайырдың өзи де бар еди. Кейиннен маған былайырақ шыққан соң «Әй, сен-әм сондай гәплерди айта бересең-әй?» – деп ескертти, дейди Нәжиматдин аға Аңсатбаев. — Ибрайым аға өзин мақтағанды жақтырмас еди. Соның менен бирге уллы шайырымыз адам жаманлаўды да жини сүймейтуғын еди, ҳәтте қасындағы заманласлары, кәсиплеслери де адам жаманлай басласа «Қойың-дә! Айтатуғын басқа гәпиңиз қапылды ма?!» деп кәтқудашылық етип қайтарып отырар еди…».

Топлаған ҳәм таярлаған: Есимқан Қанаатов
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: