Дизимнен өтиў    Кириў
Сайтқа кириў


Устазларым – мақтанышым…
Ҳәр бир инсан дүньяға келер екен, оның тийкарғы изги мақсетлериниң бири бул өзине ылайықлы кәсип таңлаў ҳам бул арқалы жәмийетке хызмет етиў болып табылады. Жас әўладтың мектеп партасында отырған пайытларынан баслап-ақ, «ким болсам екен?»-деген жуўапкершилекли мәселе турады. Бул мәселеде инсанның туўры ҳәм дурыс жол таңлаўында, әлбетте, биринши орында оның ата-анасы, оқытыўшылары ҳәм сыртқы орталықты тәсири күшли. Деген менен гейде оның қызығыўшылығы да ҳәмме нәрседен үстин келиўи мүмкин.

Данышпанларымыз инсанның өмиринде еки нәрсени тийкарғы деп есаплап, әсиресе, усы мәселеде алжаспаўын мәсләҳәт етеди. Бириншиси кәсип таңлаў, екиншиси өмирлик жолдас таңлаў. Булардың ҳәр екеўи де инсанның өзинен ғәрезли. Сонлықтанда, бул мәселеде инсан бираз ойланып болып, жуўмаққа келгени мақул болады.

Дүньда кәсиплер жүдә көп. Олардың ҳәр бириниң жәмийетлик турмысымызда тутқан орны, әҳмийети айрықша. Солардың ең баслысы УСТАЗлық кәсиби десем қателеспеймен. Себеби, устаз, муғәллим, оқытыўшы- бул жас әўладқа, жасларға өмирде жол көрсетиўши, бағдар бериўши инсанлар болып есапланады. Бул кәсиптиң уллылығын, инсан ушын оның әҳмийетиниң жоқары екенлигин тил менен тәрийилеп, түсиндирип бериў мүшкил. Оны шайырлар өз қосықларында былай деп жырлайды:

Сиз арқалы ушқанбыз,
Қанат қомлап, кеңликке.
Тәрбиялап устазым,
Үйретти бир сөзликке.

Тербелди әрман гүллери,
Қол жетпестей әлем боп.
Жаңлар устаз сөзлери,
Кеўилге хат-қәлем боп.

Устазлық-бул уллы мәртебе. Устаз-бул өмир бағманы. Ол екен нәлше ертеңги күни байтерек болып, пүткил жәмийетшиликке, адамзаттың уллы келешегине саяман болыўы керек. Сонда ғана шын ҳақыйкый устаз өзиниң алдына қойған уллы мақсетине ерискен болады.

Бизиң халқымыз арасында ел қәдирлеген, ҳүрмет еткен устазлық кәсибиниң ҳақықый маманлары жүдә көп. Олар ҳәзирги келешек әўладларымызды Президентимиз И.А.Каримовтың атап өткениндей «Бизден гөре ақыллы, билимли, дана, ҳәм әлбетте бахытлырақ» етип тәрбиялаўда өзиниң сарқылмас күш жигерин, билимин ҳәм тәжирийбесин аямастан жумсамақта. Ертеңги келешегимиз ийелери болған жасларды кәмил инсанлар етип тәрбиялаў жүдә үлкен жуўапкершиликли ўазыйпа есапланады. Мен өзиме тәлим ҳәм тәрбия берип атырған барлық устазларыма шексиз миннетдершылығымды билдиремен.


Наргиза Арепбаева
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: