Дизимнен өтиў    Кириў
Сайтқа кириў


КРЕДИТ ҚАРЖЫЛАРЫ ҚАЙДА КЕТТИ?
1978-жылы Шымбай районында туўылған, ўақытша жумыссыз Камил Салабаев 1980-жылы НЈкис қаласында туўылған, бурын Әмиўдәрья районындағы «Аму агро» жуўапкершилиги шекленген жәмийети баслығы болып ислеп келген Сабыр Хожамуратов ҳәм усы жәмийеттиң бас есапшысы лаўазымында ислеген Гүлистан Бегдуллаева өз-ара тил бириктирип, көп муғдардағы кредит қаржыларын өзлестириў жолы менен талан-тараж еткен.
К.Салабаев жоқарыда атлары аталған пуқаралар менен алдыннан тил бириктирген ҳалда 2010-жылдың 27-январы күни «Аму агро» ЖШЖ не «Техно» маркалы таўық сақлаў үскенелерин ҳәм сеткаларын сатып алыў ушын жыллық 7 процентлик үстеме менен қайтарыў шәртине көре 5 жыл мүддетке 812.000.000 сум кредит ажыратыўды сорап арза жазады. Дәслеп 2010-жылдың 3-мартында Ташкент қаласындағы «Есаплаў техникасын оңлаў ҳәм техникалық хызмет көрсетиў» мәмлекетлик кәрханасы менен қусшылық үскенелерин сатып алыў бойынша 661.437.808 сумлық, кейин 2010-жылдың 1-апрелинде от-жем ҳәм витаминлер алыў ушын өзи басшылық етип келген Әмиўдәрья районындағы «Мангит парранда» фермер хожалығы менен 66.562.192 сумлық ҳәм 42.000 дана марека кеселлигине қарсы емленген «Родонит-2» породалы бир күнлик шөжелер алыў ушын өзи басшылық етип келген Нөкис қаласындағы «Нукус мобайл» КТХФ менен 84.000.000 сумлық шәртнамалар дүзисип, усы шәртнамалар тийкарында АКБ «Агробанк» Қарақалпақстан Республикасы кредит комитетиниң 01.02.2010-жылдағы 2-санлы жыйналыс протоколы тийкарында «Аму агро» жуўапкершилиги шекленген жәмийетине 14 процентлик үстемеси менен бес жыл мүддетке 812.000.000 сум кредит ажыратылыўына келисим алыўға ерискен. Солай етип, 2010-жылдың 2-апрель күни 2-санлы төлеў тапсырықнамасы менен 84.000.000 сум кредит қаржыларын «Нукус мобайл» КТХФ ҳәм 3-санлы төлеў тапсырықнамасы менен 66.562.192 сум кредит қаржыларын «Мангит парранда» фермер хожалығы есап бетине өткерип жиберип, кредит қаржыларына алып келиниўи тийис болған 42.000 дана марека кеселлигине қарсы емленген «Родонит-2» породалы бир күнлик шөжелер, жем ҳәм витаминлерди усы күнге шекем алып келместен, кредит қаржыларын сарплап жиберип, жүдә көп муғдардағы 150.652.192 сумлық кредит қаржыларын талан-тараж еткен.
Айды етек пенен жаўып болмайтуғынындай, ҳәрқандай қылмыс түбинде ашылмай қалмайды. Сол айтқанындай, бул үш пуқара да әдил нызам алдында ислеген қылмысларына ылайық тийисли тәртипте жуўап берди.

О.ЖУМАБАЕВ.
Дерек: "Еркин Каракалпакстан" блогы
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: