Дизимнен өтиў    Кириў
Сайтқа кириў


Узын жолда жалғыз жүрип бараман...
Узын жол ҳәм қаранғы әлем,
Жалғыз ғана жолға түстим мен.
Қуяшсыз ҳәм айсыз әтирап түнек,
Мен алға жүриўди турыппан қәлеп.

Аспан жылағанын билдирип сонда,
Әсте ғана көз жас төкпекте жерге.
Ақылым ҳайран боп орнымнан турып,
Қолыма шам алдым, жақпақшы болып.

Қалайша жағаман бирақ шырпысыз,
Алдым тегис жолма я жарма түпсиз.
Биле алмай термилип оңлы ҳәм солға,
Жағылмаған шам бар тек ғана қолда.

Сол ўақта бир қүдиретли ҳәдийсе болды,
Көк гүркиреп жерге шақмағын урды.
Оннан алысты да қолымдағы шам,
Пүткил әлем болды жарық гүлистан.

Узын жолда жалғыз жүрип бараман,
Енди жолдас маған тек ғана бир шам,
Шам нур таратар жақтылық берер,
Өзи… әсте ғана болсада сөнер...

Ол мениң өмирим шырағы болғай,
Еткен ислериме кеўилим толғай.
Сонда дегейсең көрип ислерим,
Кеше ертектеги сол бир қызба-яай…



Ана тилиме

Дүньяда миллет көп, тиллер ҳәр түрли,
Оларды түсиниў қыйынды бәлки,
Бирақта өз ана тилиңди билсең,
Ҳәммесинен үлкен мәртебе усы.

Ел ишинен шыққан шайыр, илимпаз,
Ақшам қосық жазса уйықламай бираз,
Тилдиң тазалығын уқтырып жаңлар,
Өз ана тилимде гә қосық, гә саз.

Тарыйхы бар бул әжайып тидиң де,
Китаплардан оны оқып билдиң бе?
«Тилге итибар, елге итибар» деп өткен,
Юсуп Ҳас Ҳажып та түркий тилинде.

Ҳеш бир тәўип емлей алмаса дәртиң,
Оған шыпа болар сөзлер тилдеги,
Басқа тилдиң бәрин билиў өз шәртиң,
Ана тилди умытпағыл елдеги.

Сахибжамал Есемуратова
Студент.



Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: