Дизимнен өтиў    Кириў
Сайтқа кириў


ZULFIYA DO`RETIWSHILIGINDE BA`HA`R TA`RIYPI
Ba`ha`r go`zzalli`q, mehir-muhabbat, jan`alani`w ha`m jasari`w pasi`li`. Ma`wsimler sa`rdari` si`pati`nda wol barli`q jaqsi`li`qlardi` baslap keledi. Ta`biyatqa suli`wli`q, kewillerge ji`li`wli`q bag`ishlaydi`. A`ne usi`nday pazi`yletleri sebepli xalqi`mi`z, ba`ha`rdi sag`i`ni`p ku`tedi.
Bul pasi`lda Ana-jer bawi`ri`nan barli`q janzatlar uyqi`dan bas ko`teredi. Qi`stan qi`si`lg`an terekler bo`rtik shi`g`ari`p, qi`zi`l tu`ske enedi. Salmadag`i` suwlar si`ldi`r-si`ldi`rnama shertedi. Ana jer menen tillesip, miynet etip ati`rg`an ha`zireti diyqanlari`mi`z benen bag`manlari`mi`zdi`n` iskerligi bag`lardi` gu`llerge bo`leydi. Sonli`qtan da usi` qi`mbatli` ma`writlerden puqta paydalani`p, diyqanshi`li`qtan ku`tip turg`an jumi`slari`n duri`s sho`lkemlestirgen haqi`yqi`y azamatlar istin` nag`i`z ko`zin biletug`inlar sanaladi. Dasturxanlari`mi`zdi`n` molshi`li`g`i` a`ziz diyqanlari`mi`zdi`n` pidakerlik xi`zmeti menen wo`lshenedi. Bunday ibratli` isler yerten`gi abadan ha`m ti`ni`sh-tati`w turmi`si`mi`zg`a qaray isenimli ni`q qa`dem taslawg`a umti`ldi`radi`. Saqi`y quyash nuri`nan ku`sh alg`an Ana jer gu`llep, aynala-a`tirap xalqi`mi`zdi`n` ashi`q kewlindey jarqi`rap, a`jayi`p ko`rinis jaratadi`.
Muhabbat ji`rshi`si` Zulfiyaxani`m tuwi`lg`an ba`ha`rdin` birinshi ku`ninen baslap, elimizde bayramlar bir-birine ulasi`p ketedi.
Bu`gin tag`i` ba`ha`rge zarman, Ji`ldi`ri`mday o`mirim tan`lari`, Bu`gin tag`i` ba`ha`rge zarman, Ku`te-ku`te to`zim qalmadi`…
A`lbette, wo`mirge aqi`l ko`zi menen baqqan Zulfiyani`n` ha`r bir qosi`g`i`n woqi`g`ani`mi`zda, sabi`r ha`m to`zimnin` tag`asi` aqi`l yekenligin ha`m ba`ha`rdin` ta`kirarlanbas inam yetken go`zzalli`g`i`n sezingendey bolami`z. Woni`n` ken` qa`lbine jayg`asqan jali`nli` poeziyasi`nda sadi`qli`q penen wopadarli`q, ayrali`q penen ha`siret, sag`i`ni`sh penen quwani`sh ja`mlengen. Sonli`qtan da wol basqalar menen doslasi`p, si`rlasi`p ha`m da`rtlesip jasag`an. Shayi`r haqqi`nda zamanlaslari`ni`n` pikirin ti`n`lap, woni`n` miymandosli`g`i` ha`m miyrimanli`g`i`ni`n` gu`wasi bolg`anday sezemiz wo`zimizdi. Sebebi, xalqi`mi`zda a`jayip ga`p bar: “A`ken` wo`lse de, a`ken`di ko`rgenler wo`lmesin”…
Bekkem dosli`qti` Zulfiyadan u`yrensek arzi`ydi`. Woni`n` qosi`qlari` sadi`qli`qtan sabaq beredi. Shayi`rli`q qa`leminen do`regen qosi`qlari` adamg`a ma`sla`hatshi, dos si`yaqli`, ha`m da`rtlesesen`, ha`m si`rlasasan`. Jan`a ashi`lg`an ba`ha`rgi erik gu`lindey, kewlin`di wo`zgeshe sezimler ha`m ta`kirarlanbas go`zzalli`q biylep aladi`:
A`ynegimnin` aldi`nda bir tu`p, Yerik appaq boli`p gu`lledi, Wol woyatti` qayg`i`mdi` tu`rtip, Gu`l yemes wol, da`rtlerim edi…
─ bul qosi`qtag`i` ha`r bir qatardi` woqi`g`anda ba`ha`r ma`wsimine bolg`an wo`zgeshe sezimler kewlimizdi biylep aladi`. Qanday da bir si`yqi`r ya bolmasa wo`zgeshe qudiret bar si`yaqli`, na`zik kewlimizdin` tari`n ayawsi`z shertip, bizdi qi`yallar da`ryasi`na sayaxat yetiwge iytermeleydi…
Zulfiya Israilova wo`zinin` su`ygen yari` Hamid Alimjan menen wo`tkergen wo`mirin ba`ha`rge, gu`llep turg`an erik ag`ashi`na megzetedi. Gu`lge mali`ni`p turg`an yerik ag`ashi` birden to`gilgenligi si`yaqli` Hamid Alimjan wo`z ba`ha`rin bir wo`mirge ta`rk yetti…
Ayrali`q, sag`i`ni`sh azabi` woni` ne halg`a salmadi`, ne qosi`qlardi` aytqi`zbadi` deysiz?!
Yerik gu`llerinin` an`qi`p a`tiri,
A`tirapta jan`ladi` senin` qosi`g`i`n`,
Bu`rtikler jami`rasi`p:tiri, wol tiri”,
Degendey boladi` wog`an qosi`p u`n.

Ha`r kelgende ba`ha`r izlese sonda,
Wo`ldi dep bolarma shayi`rdi`n` wo`zin,
Aqsham tu`slerimde, ku`ndiz yadi`mda,
Ha`r alg`an demimde barsan`,a`ziyzim…
Zulfiyaxani`m usi`nshama to`zim ha`m sabi`rli`li`qti`, wopadarli`qti` qaydan aldi` yeken?!
Prezidentimiz I.A.Karimovti`n` 2014-ji`l 31-oktyabrdegi “O`zbekstan xali`q shayi`ri` Zulfiyani`n` tuwi`lg`anli`g`i`ni`n` 100 ji`lli`g`i`n belgilew haqqi`nda” g`i` qarari`na muwapi`q shayi`rdi`n` qutli` yubileyine yelimizdin` ruwxi`y turmi`si`ndag`i` umi`ti`lmas waqi`ya si`pati`nda qi`zg`i`n tayarli`qlar ko`rilip, saltanatli` tu`rde wo`tkerildi, al bi`yi`l Joqari` Ken`es deputati` ha`m “Saodat” jurnali`ni`n` bas redaktori` si`pati`nda O`zbekstan hayal-qi`zlari`ni`n` obrazi`n joqari` shi`n`larg`a ko`tere alg`an ma`mleketlik isker, Javoharlal Neru ati`ndag`i` ma`mleketlik si`yli`qti`n` laureati` Zulfiya Israilova bu`gin─101 jasta.
Wo`sip kiyati`rg`an nawqi`ran a`wladti` ha`r ta`repleme ba`rkamal, ruwxi`yli`g`i` joqari`, bilimli salamat ha`m teren` aqi`l-woyli` shaxs yetip ta`rbiyalaw Prezidentimizdin` basshli`g`i`nda a`melge asi`ri`li`p ati`rg`an ruwxi`y-ag`arti`wshi`li`q reformalar protsesinde u`lken a`hmiyetke iye bolmaqta. Usi` juwapkerli wazi`ypani`n` wori`nlani`wi`n ta`minlewde milliy a`debiyati`mi`zg`a ayri`qsha itibar beriw, belgili shayi`r ha`m jaziwshi`lari`mi`z yesteliklerin qa`dirlep, asi`raw, biybaha miyrasi`n xalqi`mi`z, a`sirese, jaslar arasi`nda ken`nen u`git na`siyatlaw boyi`nsha biz jaslar yele de ko`plegen jumi`slar ali`p bari`wi`mi`z sha`rt.
“Wol tek qa`lem terbetip, kitaplar a`lemine ko`milip oti`ratug`i`n shayi`r, ja`miyetlik isker emes, al bir shan`araqti`n`, qalaberse, pu`tkil wo`zbek xalqi`ni`n` mehriyban anasi` retinde sa`wlelenedi”─ dep jazg`an edi O`zbekstan Qaharmani`, belgili a`debiyatshi` Azat SHarafiddinov wo`zinin` “Sizdi sag`i`ndi`q, Zulfiya apa”─atli` maqalasi`nda, al O`zbekstan Qaharmani` I.Yusupov shayi`rg`a arnap “Qi`zi`n` go`zzal bolsi`n, shayi`ra bolsi`n”─ atli` qosi`g`i`n do`retti. Qosi`q 1966-ji`li`, shayi`ra wo`mir su`rip ati`rg`an da`wirde jazi`li`wi`na qaramastan, tap bu`gingi ku`ni jazi`lganday, ta`kirarlanbas ha`m wo`lmes qatarlar bar wonda:
Bir qa`lem tartqanda gu`l g`umshalansi`n,
Jup qa`lem─ji`lg`ada suwlar hag`lasi`n,
U`sh qa`lemde bu`lbu`l shegip nalasi`n,
Ishqi` pa`ryadi`nda pa`rmana bolsi`n,
Qosi`qlar woyati`p ba`ha`r quyashi`n,
Ha`mmenin` tilinde Zulfiya bolsi`n.
Shi`ni`nda da, shayi`ra Zulfiya wo`z do`retiwshiligi arqali` ibrat mektebin jarati`wshi` ha`m Ana Watan tuyg`i`si`, go`zzalli`q, pa`klik, sadi`qli`q ji`rshi`si` yesaplanadi`. Woni`n` qosi`qlari`nda jen`il, hawag`a ushi`p ketetug`i`n qatarlar joq. Shayi`ra pu`tkil insaniyat ruwxi`yati` saxnasi`na teren` kirip barg`anli`g`i`nan, bu`gingi ku`nge shekem poeziyasi` joqari` shoqqi`lar asi`p bara beredi, al ju`rekten shi`qqan kewilge qoni`mli` qosi`qlari` bolsa, ju`rek to`rimizde ma`n`gige saqlani`p, a`wladlar qa`lbinde mo`rlenip qala bereri so`zsiz.

Xojambergenova Du`rdana
QMU,Qaraqalpaq filologiyasi, 3-kurs
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: