Дизимнен өтиў    Кириў
Сайтқа кириў


НЕ ЕКСЕӉ, СОНЫ ОРАСАӉ…
Балаларымыз жүдә тәртипсиз, ерке, басқалардыӊ балаларындай ақыллы емес деген налынышлар қулағымызға тез-тез шалынады. Сырт елли балалар дым ақыллы, олар көп нәрселерди дөретеди, ойлап табылмалары менен дүньяға белгили. Ал, бизлерде болса бундай балаларды ушыратыў шенде-шен жағдай. Бунда баланыӊ емес керисинше оны тәрбиялаўшы инсанлардыӊ айыбы көбирек болса керек деп ойлайман. Себеби, бала ақ қағазға мегзейди. Бул қағаз бетлерине баладан қандай үмитлеримиз бар екенлигин жазыў оны тәрбиялаўшылардыӊ қолында. Сонлықтан, балаларымызды жақсы, мүләйим сөзлер менен тәрбиялаў, олардан қандай үмитлеримиз бар екенлигин айтып, еркелетип мүнәсибетте болыў керек шығар.
Наполеон Банопартты анасы ҳәр таӊда: «Балам, бүгин сени уллы ислер күтпекте» деген сөзлер менен оятқан. Сонлықтан да, ол өзиниӊ уллы ислерди ислей алыўына исеним менен ҳәр таӊды күтип алған. Дүнья жүзиндеги еӊ жақсы әскербасылар қатарынан орын алған. Бәлким, бул анасыныӊ ҳәр таӊда айтқан сыйқырлы сөзлериниӊ нәтийжеси болса әжеп емес.
Арамызда баласына унамсыз, жағымсыз сөзлерди айтып атырған адамлар көплеп ушыратыўға болады. Балалары унамсыз ҳәрекетлерди ислесе, тәртипсизлик етсе ғарғыс сөзлер менен оларды айыплаймыз. Ал, айырым ўақытлары тыныш отырған балаға «ҳә, ийттиӊ баласы» деп еркелеткен боламыз. Лекин, буны еркелетиўши сөзлердиӊ қатарына қосыў орынлымекен? Буннан басқа да, ийттиӊ баласы, ийттиӊ туўғаны, жүўернемек, қудайдан тапқыр … бул сөзлерди еле де даўам еттириў мүмкин. Усындай сөзлерди еситип ержеткен баладан уллы инсан жетилисип шығыўы мүмкинбекен? Себеби «не ексең, соны орасаң» - деген даналық гәп бийкарға айтылмаған болса керек.

Есемуратова Сахибжамал
СТУДЕНТ
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: