Дизимнен өтиў    Кириў
Сайтқа кириў


Келин болған сиңлиме
…Әлле нени түйип ойына,
Бир ноқатқа тигип нәзерин,
Болып атқан бахыт тойында,
Муңлы ғана отырар келин.

Қыз дәўраны қалып арқада,
Баратқанға қапа ма, бәлким,
Кеўлиндеги сырын ҳеш жанға,
Айта алмай көзлери ғам-гүн.

Ийбесиме яки қысыншақ,
Қарашығын жерден үзалмас,
Ойын-заўық дөгерек, ўақ-шақ,
Жалғыз өзи кеўлин жазалмас.

Әтираптағы шаўқым сүреннен,
Хабары жоқ, мисли қуўыршақ,
Нәм-нышан жоқ шадлық дегеннен,
Бир ноқатқа көз тигер узақ.

Неге сениң ойшаң көзлериң,
Неге сонша қыял етесең,
Ийниңде бар аппақ көйлегиң
Периштеге усап кетесең.

Қәлбиңдеги сораў түйинди.
Басқаларға айталмасаң да.
Уғып турман нелер кеўлиңди,
Бәнт еткенин тап усы ҳалда.

Сораўлар көп сени қыйнаған,
Мәнзиллерде нелер күтеди,
Төзим менен ҳаял шыдаған,
Бар тәшўишти жеңип өтеди.

Сескенбегил турмыс машақат,
Бириккен күш бәринен беккем,
Кеўлиңдеги ойлар алағат,
Булттай тарқап кетеди ертең.

Сен өксиме келин болдым деп,
Бул буйрығы ҳаялға хақтың.
Усы үйде жайна сен гүллеп,
Несип болсын Аналық бахты…
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: