Дизимнен өтиў    Кириў
Сайтқа кириў


АВТОБУСба, ТАКСИме?
-Апа, бир адым жерғо, усы жерде тусип қалабериң!
-Яқ, неге туседи екенмен, туспеймен, көшемниң басында тоқтайсаң! Еле бирталай жер бар.
-Бул такси емес, апа, сиз қәлеген жерде тоқтайтуғын. Бул уп-улкен автобус-ғой, ҳәр жерде тоқтай бериӯ де аңсат емес. Сиз бир адамсыз, ишинде сиздей нешше адам отыр.
-Яқ, дедимбе, яқ! Мингизетуғын ӯақытта адым жерде бир тоқтап, ешек-арба қыласыз! Сол ӯақытта неге бул машинаң киширейеме?
Қулласы, жолаӯшының айтқаны болмады.Бул дегеним апа сол жерде тусип қалды дегеним емес, айдаӯшы да қырсығып мәнзилинен бираз жер өтип тоқтады.Жаңағы апа тоңқылдаӯы менен машинадан тусип кетти. Қызкеткен елатынан оқыӯға автобуста қатнайман. Бундай ӯақыялар тез-тез жуз берип турады. Азанда ерте шығып автобусқа минемен. Автобус Қызкеткен елатынан шығып кетемен дегенше ҳәр жерде иркилип адам мингизеди.Тап усындай ӯақытта автобус улкейип кете ме, қанша адам болса да сыя береди. Автобусқа мөлшерленген адам саны 37 болса, оған және 15-20 адам қосып мингизеди. Булардың бәри де өзимиздей асығыс адамлар. Бирақ, ол техника деген, техникага исенип болмайды. Қудай көрсетпесин, ҳеш нәрсе болмағай! Артықша жукти көтере алады, ҳеш нәрсе болмайды деп ким кепиллик береди? Оны ойлап атырған адам жоқ. Бундай тығылыс, умбә-дум жағдайлар тек Қызкеткен елатына журиӯши 21,7, 10, 11, 12 жөнелислеринде емес, қала ишиндеги 15, 78 ҳ. б. да көплеген жөнелислерде ушыратамыз.
Мен айтажақ болған нәрсе бул емес, автобустың таксиге айланыӯы уқсаған гәплер. Автобус болғаннан кейин ол шәртли турде тек арнаӯлы бәндиргилерде тоқтап өтиӯи керек. Адамларды Дамас ҳәм ГАЗель жургизиӯшилердиң өзлери ҳәр жерде иркилип жаман үйреткен. 21- жөнелис жолы менен Қызкеткен елатына киргеннен баслап 20дан зыят жолаӯшы тусетуғын, өз атмасына ийе орынлар бар. Автобус булардын ҳәр биринде 30 секунд иркилгенде де соңғы мәнзилге 10 минутта жетип барасаң. Егер, усы жол бойына аралығы онша узақ болмаған орынларға бәндирги қурса, ӯақыттан утамыз, жазда адамларға сая, қыста ықтырма болады, даӯ-жәнжеллер де азаяр еди. Жаяӯ журиӯ адам денсаӯлығына көп пайдалы екенлиги илимде дәлилленген.
Азғантай жер жаяӯ жургенде не болыпты. Оған да улкен даӯ шығарып, өзиңниң жаман тәреплериңди басқаларға көрсетип, өзгелердиң де кейпиятын бузып, артықша гәптиң кимге неге кереги бар?
Аӯыллық орынларда жасаӯшыларды бир ойлап көриң. Ҳәптениң базар кунин асығыслық пенен кутип, сол куни қалта-қалта дән өнимлерин ешек арбаға салып ямаса арқалап асфальт жолға шығарып, көзи төрт болып машина кутип турып зордан базарға жетип барады. Қайтатуғын ӯақытта еки-уш сумка азық-аӯқатты арқалап машинадан жол бойында тусип қалып, сол 2-3 км жерге жаяӯ да журип барады-ғой! Олар да бизлердей адамлар.
Әзийзлер, ойланып қараң, биз ҳәзир қала ишинде қайсы ӯақытта, қаланың қайсы шетинде болмайық автомашинадан ҳешқандай кемишилик жоқ. Ҳәр он хожалықтың алтаӯында автомашина бар десем қәтелеспеймен. Бирақ, машина көп деп автобусты таксиге айландырыӯ шәрт емес

Нурмағамбет Жиенбаев
Бердақ атындағы ҚМУ Журналистика қәнигелигиниң 3-курс студенти
КОММЕНТАРИЯЛАР (2)
Ikram Ubbiev 1 апреля 2016 12:42
Publitsistika janri ushin elede izlenip ko'riw kerek edi. Misali JD vokzal Res bolnitsa. Bazar. Avto vokzal Dep almastiriw sebeblerinde jazg'anin'da...
Жуўап    1
Злиха 16 апреля 2016 08:46
Пикиринди еле де айдынластыр, илтимас. Не демекшисиз?
Цитата: Ikram Ubbiev
Publitsistika janri ushin elede izlenip ko'riw kerek edi. Misali JD vokzal Res bolnitsa. Bazar. Avto vokzal Dep almastiriw sebeblerinde jazg'anin'da...
Жуўап    2
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: