Дизимнен өтиў    Кириў
Сайтқа кириў


Теңлик
Биреўлердиң көп мийнети көринбес.
Биреўлер дым мийнет етип бүлинбес,
Он болмай қалғанда бармақлар бес-бес,
Мен сени излеймен, қайда деп, ТЕҢЛИК.

Жаратылыс әзелден жуп, теңбе-тең,
Аспан көк жазықлық, жердиң үсти кең,
Жағадан бас шықса, кемис болса жең,
Ким сени бар дейди дүньяда, ТЕҢЛИК?

Биреўлер ғәрип ҳал, биреў бай болса,
Ақмақ сөзге шешен, дана лал болса,
Жолды билмес жол көрсеткиш «ай» болса,
Сен қалай тым-тырыс турасаң, ТЕҢЛИК?

Билимли ҳақ сөзди айтып шетлесе,
Батырлар қылышын тасқа сермесе,
Жаманлық жақсыға жолды бермесе,
Дүньяның тиреги ким болар, ТЕҢЛИК?

Напәклик таж бенен тахтты бийлесе,
Қазылар урының сөзин сөйлесе,
Адалатлық наданлықты көрмесе,
Сениң бул дүньяда жоқлығың, ТЕҢЛИК.

Жасыллық, тиришилик болмағы ушын,
Жас өмир гүллери солмаўы ушын,
Үмит ушқынлары парлаўы ушын,
Сен жаса дүньяда, мәнгиге ТЕҢЛИК!
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: