Дизимнен өтиў    Кириў
Сайтқа кириў


Грузин халқының Өзбекстандағы ўәкиллери
Өткен дәўирлерден берли көплеген жас грузинлер Өзбекстанға билим алыўға келген, оқыўын тамамлағаннан соң олар грузин зыялыларының ҳәм интеллегенциясының диаспорасын дүзиў ушын усы жерде қалып кетти. 1940-жылларыдың ақырынан берли грузинлер республикамыздың түрли тараўларын раўажландырыўға, атап айтқанда: астрофизика ҳәм сейсмология, гляциология, физика ҳәм электроника, жеңил ҳәм азық-аўқат өндирисинде, ирригация ҳәм гидротехника, архитектура (К.А.Никурадзе и Ш.Ратия), тарийх (Х.Ш.Гиунашвили), археология (Э. В. Ртвеладзе), мәденият ҳәм көркем-өнер (виолончы В.З.Чахвадзе, скульптор Н. А. Банделадзе, А.И.Джишиашвили) тараўларында жемисли мийнет еткен.
1980-1990-жылларда Ташкент қаласында Грузин миллий-мәдений орайының тийкарын салыўшы Хомерики жасады.
Ҳәзирги ўақытта Ташкент қаласында «Өзбекстан-Грузия» дослық жәмийети ҳәм «Мегоброба» атамасындағы мәдений орай ҳәрекет етпекте. Өзбекстанда жасаған грузинлердиң саны бойынша төмендегише мағлыўт келтирсек болады.
1926-жыллары – 697;
1979-жыллары – 4088;
1989-жыллары – 4704;
2000-жыллары – 1130.

Ҳәр қыйлы мағлыўматларға қарағанда Өзбекстанда ҳәзирги ўақытта 1000нан 4000ға шекем грузинлер жасайды. Ташкенте Грузияның елшиханасы жайласқан. Буннан тысқары, Өзбекстанда грузияның футболист-легионерлери де жасайды, олар Өзбекстан футбол клубының ағзалары есапланады. Олардың бири сыпатында бурынғы «Пахтакор» командасының капитаны, «Локомотив» командасының ойыншысы – Каха Махарадзени, ҳәзирги «Пахтакор» командасының тренери Шота Арвеладзени атап өтсек болады.
Өзбекстанда Грузияның мәмлекетлик искерлери де жасайды, ҳәзирги ўақытта грузинлердиң капиталы тийкарында дүзилген: саўда, маркетинг хызметлери, қурылыс материалларын ислеп шығарыўшы ҳәм тағы басқа да хызметлер менен шуғылланыўшы 9 кәрхана бар. Өзбекстанның сыртқы экономикалық байланыслар, инвестиция ҳәм саўда-сатық министрлиги қасында грузин компанияларының 3 ўәкиллиги аккредитация қылынған.

Мағлыўматлар бойынша таярлаған З.Қ.Оразымбетова
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: