Дизимнен өтиў    Кириў
Сайтқа кириў


ТЫНЫШ ЕЛДЕ БАХЫТЛЫ ӨМИР СҮРЕЙИК
Турмыста ҳәр қыйлы ўақыя, ҳәдийселер жүз бериўи мүмкин. Себеби, бул өмирде ҳәр қыйлы жағдайлар ушрасып, бир күниң қуўанышқа толса, айырым ўақытлары кеўилсиз жағдайларда жүз бериўи мүмкин. Әсиресе жаслар арасында ерте неке қурыў ақыбетинде жас шаңарақлардың бир-бири менен ажрасып кетиўлери, пул табыў жолында шет мәмлекетлерге нызамсыз түрде айлап, жыллап өз елине, шаңарағына қайтпай жүргенлердиң гуўасы боламыз. Жақында Өзбекистан телеканалынан «Қиёмотта қолган қарз» атамасында көрсетиў кең жәмийетшиликтиң нәзерине усынылды. Бул көрсетиўде ўакыялық анық факт ҳәм дәлиллер менен көрсетилип, елимиздиң ҳәр бир пуқарасы, ата-аналар өз перзентлериниң бундай аўыр жағдайларға түсип қалмаўы ушын өсип киятырған жас әўләдлардың тәлим-тәрбиясын еледе күшейтиў ҳәм жақсы жолға салыў, туўылып өсип ержетип камалға келген ана ўатанында, шаңарақ ағзалары, балашағасы менен бахытлы өмир кешириў, бүгинги күнимизге шүкиршилик етип жасаў сыяқлы жәмийетлик пикирдиң қәлиплескени анық.
Ҳәр күни ғалаба хабар қураллары арқалы мәмлекетимиздиң дүнья мәмлекетлери арасындағы социал-экономикалық раўажланыўы, халқының тынышлығы, параўан турмыс кешириўи, мәденият ҳәм спорт, билимлендириў тараўындағы реформалар, сондай-ақ, мәмлекетимизде киши бизнес ҳәм жеке исбилерменликти раўажландырыў жолындағы ҳәрекетлер, елимиздиң социал-экономикалық турмысының раўажланыўынан дерек береди.
Мәмлекетимиз Президенти өзиниң «Жоқары мәнаўият-жеңилмес күш» атлы шығармасында «…ўатанымыздың келешеги, халқымыздың ертеңги күни мәмлекетимиздиң жәҳән шериклигиндеги абырай-итибары ең дәслеп перзентлеримиздиң өнип-өсип, улғайып, қандай инсан болып өмирге кирип барыўына байланыслы» деп өзиниң баҳалы пикирлерин билдирип өтеди.
Әлбетте, бүгинги күни мәмлекетимизде жаслардың бос ўақытларын мазмунлы өткериў, саўатқанлығын асырыў ҳәм олардың ҳуқықый мәдениятын жетилистириў, келешекте баркамал, кәмил инсан ҳәм руўхый жақтан жетик болып жетилисиўинде көплеген шәрт-шарятлар жаратылып берилген. Бирақ айырым жаслар бундай имканиятлардың жаратылып берилиўине қарамастан шет мәмлекетлерине барып нызамсыз түрде жумыс ислеп атырғанларыда бар. Олар шет мәмлекетте не жумыс ислеп атыр, кимлер менен бирге ислесип атырғаны бизге қараңғы. Бүгинги күни жәмийетимизде терроризм, диний экстремизм ҳәм адам саўдасы сыяқлы иллетлер пайда болып, айрым күшли финанслық қудиретке ийе болған жаман нийетли күшлер өзлериниң ғәрезли нийетлерин әмелге асырыўда жаслар ҳәм ҳаял-қызларды қудиретли қурал сыпатында пайдаланып атырғаны сыр емес. Сондай-ақ, көрсетиўде мәмлекетимиздиң айырым пуқаралары шет елге жумыс ислеўге кетип диний ағымларға қосылып, қолына қурал алып өз ўатанына, туўысқанларына қарсы шығыў сыяқлы пикирлер сөз етиледи. Өз елине қыянет етиў, өзге елдиң мәпин ойлаўшы шахсларды Өзбекистан Республикасы пуқаралығынан жоғалтыў ҳаққында нызамның 21-статьясында белгилеп көрсетилген. Әлбетте, бул ҳүжжетли фильмди көрген ҳәр бир инсанда ана Ўатанға садық болыў, жас әўләдтың тәлим тәрбиясына немқурайлық пенен қарамаў сезимлери ояныўы тәбийий. Бүгинги күнде мәмлекетимиз жасларын бундай иллетлерден аўлақ етиў сыяқлы имунитетлерди қәлиплестириў, сергекликке шақырыў әҳмийетли мәселелердиң бири. Ҳәзирги ўақытта мекеме-шөлкемлерде, оқыў орынларында тәртип интизамды, тынышлықты тәмийинлеўде ҳүжжет пенен имарат ишине кириў жолға қойылды. Бул өз гезегинде жәмийетте тынышлықты, абадан турмысты тәмийинлеў – бүгинги күнниң әҳмийетли мәселелериниң бири болып табылады.

А.Оразов - ҚМУ магистри.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: