Дизимнен өтиў    Кириў
Сайтқа кириў


ТЕЛЕФОНДАҒЫ ТАНЫСЫМ…
Тоқсулыў сатып алған таза номерин (симкартасын) қол телефонына салып кеўли тыншыды. Ол дослары менен бираз ўакыт телефонда сөйлести. Дослары ҳәр күни телефонда танысқан танысларын жаңалық етип айтып отырады. Оларды таныс деп те болар ма екен? Сәўбетлес таныс бола алмайды. Себеби, еки сәўбетлес те еле бир-бирин көрмесе, жүзин танымаса. Сүўретин қойыў-бул да бир мода демесең, ҳақыйқый өзи болмаўы да мүмкин. Солай да болса, Тоқсулыў телефоннан танысыўға қарар етти. Кейинги төрт номери бирдей болған номерлерге қоңыраў етип шықты. Биразлары менен сөйлести, танысты. Олардың арасында өзин Тимур деп таныстырғаны менен тез-тез сөйлесип жүрди. Өзи ҳаққында айтып берди. Пикирлери, дүнья қарасы менен ортақласып, әсте-акырын жақынлық пайда бола баслады. Бир күнлери кафениң алдында ушырасатуғын болды. Тоқсулыў достысы менен айтылған ўақытта жетип барды. Жеңил автомашинада отырған бир кисиден басқа ҳеш ким көринбеди. Узақтан-ақ, еки қызды көрип отырған болса керек, машинадағы жасы 35-40 жаслар шамасындағы толық денели киси буларға қарап машинасын жургизди. Қасына келип қапысын ашты.
- Тоқсулыў қайсысыңыз боласыз? Мени жорам сизлерди алып келиўге жиберди, өзиниң азырақ қыстаўлы жумысы шығып қалып еди, - деди.
Қызлар бул сөзден ҳайран болып:
- Басқа күни келермиз, - деди де бул жерден тезирек алыслаўға асықты.
Бул ўакыя қызларға үлкен сабақ болды. Телефондағы танысыўдың ақыбети ҳаққында ой жуўыртатуғын болды.

"Каракалпакстан жаслары" газетасынан
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: