Дизимнен өтиў    Кириў
Сайтқа кириў


ЖҮЗДЕН ЖҮЙРИК, МЫҢНАН ТУЛПАР ШЫҚҚАН ЖАСЛАР
Теңлеслери арасында зийреклиги, излениўшеңлиги ҳәм әлбетте билими менен ажыралып туратуғын жасларымыз ҳүкиметимиз тәрепинен белгиленген мәмлекетлик стипендияларға ерисип атырғаны жоқары оқыў орынларының абырайын көтериўге үлес қоспақта. 2015-2016 оқыў жылында Наўайы атындағы Мәмлекетлик стипендиясына тарийх ҳәм ҳуқық факультети МҒИ тәлим бағдары 4-курс студенти Ә.Базарбаев, тарийх ҳәм ҳуқық факультети юриспруденция тәлим бағдары 3-курс студенти Г.Бегжанова, Беруний атындағы мәмлекетлик стипендиясына техника факультети автомобиль жоллары ҳәм аэродромлар тәлим бағдарының 4-курс студенти М.Бердибаев, Улығбек атындағы Мәмлекетлик стипендиясына тәбияттаныў ҳәм география факультетиниң биология тәлим бағдарының 4-курс студенти Б.Қалилаева, Бердақ атындағы мәмлекетлик стипендиясына қарақалпақ филологиясы факультети журналистика тәлим бағдары 4-курс студенти С.Есемуратова, тарийх ҳәм ҳуқық факультетиниң тарийх тәлим бағдары 4-курс студенти Т.Матякупов, тәбияттаныў ҳәм география факультети география тәлим бағдары 3-курс студенти З.Ахмедова, филология факультетиниң инглис тили ҳәм әдебияты тәлим бағдары 4-курс студенти Ә.Тлеумуратов, социал экономика факультетиниң «Бухгалтерия есабы ҳәм аудит» тәлим бағдары 4-курс студенти А.Султанов ҳәм өзбек филологиясы тәлим бағдары 3-курс У.Машариповалар ылайық деп табылды.
Өткен жыллары Бердақ атындағы Қарақалпақ мәмлекетлик университетинен бул бағдарда көплеген жасларымыз жеңимпаз болыў бахтына ерискенлигиниң гүўасымыз. Мәселен, 2010-жылы 1 студент Өзбекистан Республикасы Президенти Мәмлекетлик стипендиясы, 3 студент Наўайы атындағы Мәмлекетлик стипендиясы, 2 студент Улығбек атындағы Мәмлекетлик стипендиясы, 10 студент Бердақ атындағы мәмлекетлик стипендиясы ийелери болған болса, 2011-жылы 3 студент Наўайы, 1 студент Улығбек, 5 студент Бердақ, 2012-жылы болса, 1 Президент стипендиясы, 2 Наўайы стипендиясы, 1 Улығбек стипендиясы, 9 Бердақ атындағы мәмлекетлик стипендиясы бизиң университетимиз студентлерине берилген еди, 2013-жылы студент жасларымыз 2 Наўайы, 1 Улығбек, 6 Бердақ атындағы мәмлекетлик стипендиясының ийелерине айланды, 2014-жылға келип олар қатарында 2 Наўайы, 1 Улығбек, 6 Бердақ, ал 2015-2016 оқыў жылында 2 Наўайы, 1 Беруний, 1 Улығбек, 6 Бердақ атындағы мәмлекетлик стипендиясы ийелери орын алып, билимли, илимге умтылыўшы, зейинли, талапшаң жасларымыз қатары толысып атырғанлығының гүўасы болдық.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: