Дизимнен өтиў    Кириў
Сайтқа кириў


ЖЫЛДЫҢ ЕҢ ЖАҚСЫ ОҚЫЎ ҚОЛЛАНБАСЫ
Қарақалпақ мәмлекетлик университети профессоры, физика-математика илимлериниң докторы, Қанатбай Исмайлов «Нанозарралар физикаси, химёси ва технологиялари» атлы оқыў қолланбасы авторларының бири. Оқыў қолланба Өзбекистан Республикасы Жоқары ҳәм орта арнаўлы билимлендириў министрлигинде өткерилген «Жылдың ең жақсы оқыў қолланбасы» номинациясы бойынша жеңимпаз болды ҳәм оның авторлары I дәрежели диплом ҳәм баҳалы саўғалар менен сыйлықланды.
Физика-математика илимлериниң докторы, профессор Қанатбай Исмайлов тек Өзбекистанда емес, Орайлық Азияда белгили алым. Ол 1988-жылы «Влияние внешних воздействий на характеристики лавинно-пролетных диодов» деген темада кандидатлық, 1995-жылы «Сильнополевые и радиационные эффекты в арсенидгаллиевых приборных структурах» деген темада докторлық диссертация жумысын жақлаған. Ол 300 ге жақын илимий-методикалық жумысларының авторы болып, соннан еки оқыўлық, 12 методикалық қолланба, 1 монография. 4 авторлық гуўалық ийеси.
Ол ярым өткизгишлер физикасы кафедрасында ярымөткизгишли әсбаплардың сапасын ҳәм исенимлилигин арттырыў мәселелери бойынша бир неше жылдан берли илимий жумысқа басшылык етип келмекте. Усы изленислериниң жуўмағы ретинде «Нанозарралар физикаси, химёси ва технологиялари» атлы оқыў қолланбасы жаратылды. Оқыў қолланбада наноденелердиң пайда болыў механизмлери, олардын физикалық-химиялык қәсийетлери хәм өлшем эффектлери избе-изли пенен баян етилген. Оқыў қолланба биотехнологиялар микроэлектроника, қатты денелер физикасы ҳәм химиясы, наномедицина менен шуғылланыўшы қәнигелер, талабалар, излениўшилер ҳәм кең китапқумарлар ушын мөлшерленген.
Оқыў қолланба авторлары Алишер Тешабоев, Сирожитдин Зайнобидинов, Қанатбай Исмайлов, Шукулло Эрматов ҳәм Валихан Абдуазимовлар болып есапланады. Топлам 2014-жылы Ташкенттеги «KAMALAK-PRESS» баспасынан жарық көрди. Оқыў қолланба 23 баспа табақ қолемде болып, 1000 дана тиражда басып шығарылған. Устаз, физика-математика илимлериниң докторы, профессор Қанатбай Абдиреймович Исмайловты қолға киргизген жеңиси менен қутлықлаймыз.
Karsu.uz. дан алынды
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: