Дизимнен өтиў    Кириў
Сайтқа кириў


ҚАЙСАРЛЫҚ...
Арзымаған нәрсе себеп болды да,
Ортада орнады кеўил қалыспа.

Сен маған келмедиң кеширим сорап,
Ал, мен бул ҳаққында көрмедим ойлап.

Ўақыт өте берди усылай ҳәр күн,
Ойымда үстемлик етпекте ҳүким:

«Сенсиз де мен жасай аларман, билсең,
Еле сен исиңе пушайман жерсең,

Мениң қәдиримди билерсең бир ўақ,
Ҳәм өзиң келерсең, кеширим сорап.

Ал, сен бәлент келсең, келдиң де бирақ,
Пәсиңе қайтпадың, ҳәм урдың жуўап:

«Таңларым ата берер сеннен бийғәрез,
Сенсиз маған ҳаўа, я суў кем келмес.»

Бурыңғыдан бетер кернеп ашыўым,
Ҳәм дедим: «жүзиңе түспегей, жүзим».

Арадағы қатнас солай үзилди.
Өтмишимиз мисли таңғы түс енди.

Мен жүрген көшеге сен ҳеш келмедиң,
Ҳәтте түсиме де сирә енбедиң.

Ал, мен сени тезирек умытпақ болып,
Өзгени өзиме алдым яр қылып.

Сен де қалыспадың сол күнлери – ақ,
Үлгердиң өзиңе ылайық яр таңлап.

… Бизлер бир-биреўден сөйтип өш алдық,
Әттең бахтымыздан бийнесип қалдық.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: