Дизимнен өтиў    Кириў
Сайтқа кириў


Мен таңлаған кәсип
Инсан өмирде еки нәрсени таңлағанда алжаспаўы керек. Бириншиси – өмирлик жолдас, екиншиси – кәсип. Себеби, таңлаған өмирлик жолдасың менен бахытлы болып жасаўың, таңлаған кәсибиңниң жетик қәнигеси болыўың керек. Дүньяда кәсиплердиң түри көп. Базыда ойланып қаласаң. Бирақ та, адамда қәлеў ҳәм алға қарай талпыныў болса екиленбестен, қорықпастан таңлаған кәсибине ерисе алады. Бул ушын инсаннан күшли мийнет талап етиледи. Себеби, аңсатлық пенен ерисилген нәрсениң қәдири болмайды, мийнет пенен табылған нәрсе барлық заттан үстин турады.

Бизиң арамызда ата-аналары ямаса жақынларының айтқанлары менен кәсибин таңлап алыўшылар да ушырасады. Олардың айырымлары таңлаған кәсибине меҳир қойып жумыс ислеп кетиўи, ал басқалары болса, ислеп атырған жумысынан оншелли дәрежеде қанаатланбаўы мүмкин. Мениңше, инсан алдына анық мақсет қойса, ҳеш кимниң айтқанларысыз оған ерисе алады, деп ойлайман. Балалықта муғаллим, журналист, шыпакер болыўды нийет етпеген инсан болмаса керек. Мениң усындай аппақ арзыўларым университет деп аталған уллы дәргайға қарай бағдарлады. Ҳәзирде мен журналистика қәнигелигиниң 2-курс студентимен. Кишкенелигимде мен тележурналист болыўға қызығатуғын едим, ал ҳәзирде болса радио ҳәм баспасөз тараўларына да қызығыўшылығым жоқары дәрежеде. Мен 1-курс жуўмағында өндирислик әмелиятымды “Еркин Қарақалпақстан” газетасында алып барған едим. Устазым Сағындық Жаниевтиң ис тәжирийбесиндеги өзгешеликлер, редакциядағы газета шығарыў, оны макетлестириў ҳәм мақаланы редакторлаў процесслери менде баспасөзге деген үлкен қызығыўшылық оятты. Ҳәзирде журналистика мениң жүрегимниң бир бөлегине айланды, десем қәтелеспеймен. Себеби, инсан өзи қызығатуғын нәрсеси менен үзликсиз тәризде шуғылланып барса, келешектеги кәсибине деген меҳири еле де артып бара беретуғын екен. Мен келешектеги өз кәсибимди дурыс таңладым деп ойлайман ҳәм әлбетте устазларымдай жетик журналист болыўға ҳәрекет етемен…


Айнура Алишова,
Журналистика қәнигелиги 2-курс студенти.
КОММЕНТАРИЯЛАР (2)
Пользователь offline iqazuzik 16 февраля 2018 14:58
Жуўап    1
Пользователь offline yvyhibix 8 марта 2018 01:59
Wiele zabieg?w, kt?re s? polecane dla wsp??czesnej struktury wiekowej, przechodz? na punkcie zachowanie zdrowej sk?ry, szczeg?lnie kiedy np. ostatnio zawiera?a szereg zarwanych nocy. Cz?sto sprowadza si?, i? w owym wieku pojawiaj? si? niedoskona?o?ci makija? rzesz?w, wi?c warto skusi? si? na braki w owym szlaku. Typowymi zabiegami dla 20-latek s? peelingi twarzy, maseczki, usuwanie w?osk?w, czy wyrze?bienie mi?sa w sensu poprawienia sylwetki.
Жуўап    2
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: