Дизимнен өтиў    Кириў
Сайтқа кириў


Информациялық урысқа қарсы
Жәмийетке информация тарқатыўшы ең тийкарғы дерек бул – ғалаба хабар қураллары. Мине, усы қураллар арқалы белгиленген аудиторияға анаў ямаса мынаў тәризде тәсир көрсетиў мүмкин. Бунда көбирек информация тарқатыўшылардың мақсети нәзерде тутылады. Соның менен бирге информациялық қәўиплерди пайда етиўши ҳүжимлердиң де түрлери жүдә көп. Жаслар, сонлықтан да, усы ҳүжимлерден өзлерин - өзлери психологиялық жақтан қорғаўы ушын ең дәслеп алынған информацияларды дурыс түсиниўге, информацияның мазмунын, мәнисин түсиниўге үйрениўи керек. Яғный, информациялық урысқа қарсы мақалалар, әдебий шығармалар, кино ҳәм видеофильмлер арқалы да кең жәмийетшиликтиң «иммунитет»ин оятыў мүмкин.
Белгили өзбек шайыры Эркин Воҳидов өзиниң «Бир бурда нон» деген қосығында елимизге келген саяхатшы формасындағы айрым шет елликлердиң «тырнақ астынан кир излеў»ге урыныўларын, буның астарында қандай мақсетлер жатырғанын ҳәм буның ҳақыйқый «информациялық урыс» екенлигин көркем бояўлар менен сүўретлеп береди:

Бир нураный жолда бир тислем нанды,
Топырақ арасынан көрди де сол дем,
Әсте қолға алды, ийип маңлайды,
«Шарқ» етип сүўретке алды бир мийман.

Бир күни бул сүўрет алыс үлкеде,
Баспасөзде жәрия қылынды қалды,
Жазыпты: «бийшара Өзбекстанда,
Халық усылай табар, азығын – нанды».

Ким бийкар етеалар ҳақыйқатлығын,
Исенбей не қылсын бийхабар адам.
Мусылман халқының үрип - әдетин,
Қаяқтан да билсин бийхабар әлем.

Қаяқтан да билсин, бул бас ийилген,
Бир тислем нан обал болмасын деген.
Кеше той бергенде халықты жыйып,
Балалар қолынан түскен нан жеген…

Бул қосық мақсети, бийкарлаў емес,
Журтым жәҳән билген Өзбекстандур.
Дәстүрханы ҳәмме қылғандай ҳәўес,
Бирақ, нан қәдири жүдә уллыдур.

Ҳақыйқатлығын айтсақ, ҳәзирги ўақытта айрым шет ел радиоеситтириўлеринде тилге алынған «тема»лар ушын мағлыўматлар «Бир тислем нан» қосығындағы ўақыяларға уқсас ҳалда талқыланады. Сонлықтан да, ғалаба хабар қуралларындағы, әсиресе интернеттеги информациялардағы ҳәдийселерди, талқылаўларды бирим – бирлеп түсиндирип отырыўдың иләжы жоқ. Ең, дурыс жол жасларды информацияларды дурыс түсинетуғындай етип саўатландырыў, терең билим бериў ҳәм информациялық мәденияты қәлиплестииў мақсетке муўапық келеди. Себеби, руўхый жақтан бай, билими терең, санасы жетилискен инсанды ҳеш қандай бузғыншы идеялар, пикирлер ҳәм информациялар шалғыта алмайды.

З.Оразымбетова
Журналист.
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: