Дизимнен өтиў    Кириў
Сайтқа кириў


БҮГИНГИ КҮННИҢ ҚЕЛБЕТИ
Бүгинги жаңа әсирдиң нәўқыран жаслары өз жолын, өз бағдарын мақсетли белгилеп алған бахытлы ҳәм билимли жаслар есапланады. Олар ҳәр қандай мәселеде өзлериниң көз-қарасларына ийе ҳәм еркин пикирлерин билдире алады. Буған тийкар да бар. Себеби, Президентимиз И.А.Каримов ҳәр бир шығып сөйлеўлеринде жасларға үлкен исеним ҳәм оларды жарқын келешекке талпындырыўшы пикирлерин билдирип, қанатларына пәрўаз, келешегине үмит, жаслық талўасларына күш-жигер бағышламақта. Сонлықтан да, илимге, билимге қызыққан жаслар бул ғамхорлыққа оқыўда, жәмийетлик жумысларда ҳәм турмыста мүнәсип жуўап бериўге ҳәрекет етпекте.

Атап өтиўимиз керек, мәмлекетимизде әмелге асырылып атырған билимлендириў тараўындағы, мәденият ҳәм спорт салаларындағы жаслар сиясатына бағышланған реформалар жаслардың алға қарай нық қәдем таслаўына үлкен арқаў ҳәм сүйениш болмақта. Дөретиўшилик уқыпты жетилистириў, талантты жүзеге шығарыў, қәбилетти раўажландырыўға тийкар болмақта. Бир ғана мысал етип айтатуғын болсақ, талантлы қызлар ушын «Зульфия» атындағы мәмлекетлик сыйлықтың шөлкемлестирилиўи, «Журт келешеги» таңлаўының өткерилиўи, «Ниҳол» сыйлығының берилиўи, студент жаслар ушын атақлы стипендиялардың шөлкемлестирилиўи, спорт тараўындағы қаншадан-қанша жарыслардың өткерилиўи – булардың барлығы жаслардағы алға қарай талпыныс ҳәм келешек ушын үмиттиң пайда болыўына негиз жаратады.
Бердақ атындағы Қарақалпақ мәмлекетлик университети студентлериниң арасында усындай республикалық таңлаўлардың жеңимпазлары талай ғана. Мәселен, 2011-жылы педагогика факультетиниң студенти Замира Алиева, 2012-жылы журналистика қәнигелиги студенти Айшолпан Оразымбетова «Зульфия» атындағы мәмлекетлик сыйлықтың лауреаты, 2013-жылы университетимиздиң үш студенти, 2014-жылы еки студенти «Журт келешеги» танлаўының жеңимпазлары болды. 2015-жылдың январь айында журналистика қәнигелигиниң 4-курс студенти Сахибжамал Есемуратова Ташкент қаласында өткерилген «Жас аўдармашылар» таңлаўының жеңимпазы болған болса, декабрь айында Өзбекистан көлеминде «Жылдың ең белсенди жас журналисти» таңлаўының «Радио журналистика» номинациясы бойынша жеңимпазы деп табылды. Бул ҳәттеки неше жыллап өндиристе ислеп атырған журналистлер де шенде-шен қолға киргизетуғын табыслардың бири. Ал, 3-курс студенти Сарбиназ Төрешова «Камалот стипендиясы»ның ийеси болды. Жаслардың табыслары баршылық. Спорт тараўында да жетискенликлерге ерисип атырған студентлер көп. Бул неден дерек береди? Бириншиден, студентлеримиздиң талапшаңлығынан, қызығыўшылығынан, талпынысларынан дерек береди, екиншиден, университетимиздиң жаслар менен ислесиў, оларға тәлим-тәрбия, билим ҳәм илим бериўдеги жумыслардың жақсы шөлкемлестирилгенлигин билдиреди, үшиншиден, мәмлекетимизде әмелге асырылып атырған жаслар сиясатының орынлы алып барылып атырғанлығын көрсетеди.
«Жалғыз аттың шаңы шықпас, шаңы шықса да даңқы шықпас» - дейди дана халқымыз. Расында да, бирлик, татыўлық, өз-ара ҳүрмет, аўызбиршилик, қоллап-қуўатлаў болмаған жерде жумыс та, оның нәтийжеси де болмайды. Сонлықтан биз тәлим ҳәм тәрбия алып атырған республикамыздағы алдыңғы оқыў орынларының бири есапланған университетимизде студетлер ушын әдеўир қолайлықлар ҳәм имкәниятлар жаратылған. Мине, жақында ғана реконструкциядан шыққан жаңа оқыў бинасында оқыў басланды. Кең ҳәм жақтылы оқыў ханалары, компьютер ханалары, таза парта ҳәм тахталар, ҳәр тәреплеме қолай аудиторияларда билим алыў оқыўға ықлас ҳәм дөретиўшилик илҳәм оятады. Буның ушын ең дәслеп ҳүрметли Президентимизге, ҳүкиметимиз басшыларына, университет ректоратына үлкен миннетдаршылық билдирсек арзыйды.

Оразымбетова З.
Журналист
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: