Дизимнен өтиў    Кириў
Сайтқа кириў


Үкесин өлимнен сақлап қалған қызалақ
Тесси – cүйкимли, соның менен бирге жасына қарағанда бираз ересеклеў көринетуғын алты жасар қызалақ. Бир күни ол ата-анасының үкеси Тед ҳаққындағы гәплерин еситип қалды. Қызалақ үкесиниң аўыр наўқас екенин ҳәм ата-анасы оны емлетиў ушын пулы жоқ екенлигин айтысар еди. Тесси әкесиниң көзлери жасланған анасына үмитсизлик пенен:
- Тедти енди сыйқыр ғана қутқара алады, - дегенин еситти.

Үкесин өлимнен сақлап қалған қызалақ
Сонда Тесси ханасына жуўырып кирди де, өзиниң нәрселерин сақлайтуғын кишкене қутышасын алды. Майда теңгелерин жерге аўдарып, бирме-бир санап көрди. Кейин оларды қутышаға қайтарып салып, дәриханаға қарап жуўырды.
Ол дәриханашының өзине итибар бериўин тым-тырыс күтип турды, бирақ ол басқа бир адамның сәўбети менен бәнт еди ҳәм қызалақты ҳәтте байқамады да. Тесси азғана болса да дыққатты тартыў ушын аяқларын бир-бирине урып қойды. Ҳеш нәтийже болмады. Кейин қатты-қатты жөтелип көрди. Пайдасы жоқ. Ақыры, қолына теңгесин алып, айнаны тықылдатты.
- Не дейсиз, - деп сорады дәригер наразы кейипте. Соншелли түсиниў қыйын ба, ақыры мен бир неше жылдан бери көриспеген Чикаголы ағам менен сөйлесип атырман!
- Яқшы, бирақ мен өзимниң үкем ҳаққында сөйлеспекши едим, - Тесси дәриханашы қандай кейипте сөйлеген болса, ол да сондай пәтте жуўап берди. – Билесизбе, ол жүдә қатты аўырып атыр ҳәм мен сыйқыр сатып алмақшы едим.
- Неўе?
- Үкемниң аты Тед, оның басында жаман бир нәрсе өсип кеткен, ағам болса «оны тек ғана сыйқыр қутқарыўы мүмкин» деп айтты. Айтыңызшы, сол сыйқыр деген нәрсе сизде қанча турады?
- Қызалақ, биз бул жерде сыйқыр сатпаймыз. Мени кешир, саған жәрдем бере алмайман.
- Сиз дәслеп мениң гәпимди еситип алың, мениң пулым бар ҳәм мен ҳақысын төлей аламан. Егер бул пуллар жетпесе, және табыўым мүмкин. Тек маған оның неше сом турыўын айтсаңыз болды.
Дәриханашының жарасықлы кийинген ажағасы қызалақты алдына шақырды.
- Саған сыйқырдың қандай түри керек, қызым?
- Мен билмеймен, - жуўап қайтарды Тесси. – Мен тек үкемниң қатты наўқас екенлигин билемен, анам болса оны операция ислетиў кереклигин айтып атыр. Бирақ, ағам буның ушын төлей алмайды, соның ушын мен өзимниң пулларымды сарплаўға қарар еттим.
- Олар қанша екен? – деп сорады Чикаголы киси.
- Бир доллар ҳәм он бир цент, - сыбырланды Тесси. – Ҳәзирше барым усы. Бирақ, керек болса, және табыўым мүмкин.
- Қандай уқсаслық, - күлимсиреди жаңағы киси. – Бир доллар ҳәм он бир цент.
Ол пулды қолына беккем қысты да, қызалақтың қолынан услап, үйине алып барыўын сорады.
- Мен үкеңе бир нәзер таслап ҳәм ата-анаң менен ушырасыўым керек. Қәне, көрейикши, сизлерге сыйқырдың қандай түри керек екен!
Жарасықлы кийинип алған бул киси белгили нейрохирург, танымалы врач Карлтон Армстронг еди. Ол операцияны бийпул иследи ҳәм Тед тез арада үйине пүткиллей саўалып қайтты. Ата-анасының қуўанышының шеги жоқ. Олар үйине тосаттан хирургты жетеклеп келген ўақыяны айтысар еди.
Бул доктор, - деди анасы әсте, - ҳақыйқый сыйқырдың өзи. Қызық, ол өзи негизинде қанша пул турар екен?
Тесси күлимсиреди. Ақыры ол сыйқырдың қанша туратуғынын анық билетуғын еди-дә. Бары-жоғы бир доллар, он бир цент... Және кишкене қызалақтың шын кеўилден исеними.


Интернет материалы тийкарында таярлаған журналист З.ОРАЗЫМБЕТОВА
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: