Дизимнен өтиў    Кириў
Сайтқа кириў


Журналистикада әмелият жуўмақлары: 70 тен аслам мақалалар, 70 ке шамалас рубрикалар ҳәм турақлы радиоеситтириўлер


Кеше, 17-ноябрь күни Қарақалпақ мәмлекетлик университетинде журналистика тәлим бағдары 4-курс студентлериниӊ 2 ай даўамында өтеген өндирислик әмелиятының нәтийжелери бойынша семинар-тренинг болып өтти. Семинар-тренингди қарақалпақ филологиясы факультети деканы ф.и.к. Қ.Турдыбаев ашып берди ҳәм алып барды. Буннан соң журналистика кафедрасының баслығы ф.и.к. З.Оразымбетова әмелият даўамында студентлердиң ғалаба хабар қуралларында жәриялаған материаллары, жүзеге келген машқалалары туўралы презентация жасады.




«Бул оқыў жылында 23 студент өндирислик әмелиятта болған болса, олардың жетеўи «5» баҳасын алыўға еристи. Әмелият даўамында студентлеримиздиң «Еркин Қарақалпақстан» газетасында 14 мақала, «Қарақалпақстан жаслары» газетасында 18 мақала, «Устаз жолы» газетасында 7 мақала, «Ғәрезсизлик ҳәм Нызам» газетасында 6 мақала, «Вести Каракалпакстана» газетасында 11 мақала, «Қарақалпақ университети» газетасында 6 (сайтта 4) мақаласы жәрияланды. Сондай-ақ, «Қарақалпақстан» телевидениесинде жәми 18 көрсетиўге студентлеримиз тәрепинен рубрикалар таярланды. «Қарақалпақстан» радиосында 65 еситтириўге рубрикалар таярланған болса, «Нөкис ФМ» радиоканалында үзликсиз түрде материаллар эфирге берилди», - деп келтирип өтти кафедра баслығы З.Оразымбетова өз баянатында.



Семинар-тренингде «Еркин Қарақалпақстан» газетасында әмелиятын өтеген У.Қошқарова, «Қарақалпақстан» телевидениесинде әмелиятта болған М.Ибрагимова ҳәм «Қарақалпақстан» радиосында әмелиятта болған З.Хожамуратовалар өтеген әмелиятлары, жәриялаған материаллары ҳәм жүзеге келген машқалалары туўралы презентация жасады.
Семинар-тренингде ғалаба хабар қуралларының журналистлери де қатнасты. «Қарақалпақстан спорты» газетасының бас редакторы А.Әбдиев, «Тынышлық сақшысы» газетасының бас редакторы Ж.Өтениязов, «Нөкис ФМ» радиосының директоры Б.Ельманов, «Қарақалпақстан жаслары» газетасының журналисти А.Турекеева, журналистика кафедрасы оқытыўшысы Д.Бекбаўлиевлер шығып сөйлеп, әмелиятшыларға өзлериниң пикир ҳәм усынысларын билдирип өтти.



Сахибжамал Есемуратова
КОММЕНТАРИЯЛАР (7)
Пользователь offline erazod 24 ноября 2017 21:58
Liposukcja ultrad?wi?kowa to? atrakcyjna mo?liwo?? dla liposukcji chirurgicznej. Jest ostatnie chwyt bezinwazyjny, modeluj?cy sylwetk? za us?ug? ultrad?wi?k?w o sta?ej mocy. W owocu wibracji ultrad?wi?kowych wzrasta metabolizm kom?rek, usuwane s? wszelkie z?ogi, przyspiesza si? kr??enie krwi, podnosi si? tempo usuwania szkodliwych owoc?w przemiany kosmetyczka ?a?cut venus materii.
Жуўап    1
Пользователь offline igamyvi 1 декабря 2017 09:25
Жуўап    2
Пользователь offline ixuzezi 4 декабря 2017 07:16
Жуўап    3
Пользователь offline icipaj 6 декабря 2017 15:10
Жуўап    4
Пользователь offline akoriq 6 декабря 2017 18:42
Жуўап    5
Пользователь offline iwoxewoz 10 декабря 2017 07:59
Жуўап    6
Комментария жазыў
Атыңыз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код:
          Включите эту картинку для отображения кода безопасности
кодты жаңалаў

Кодты киритиң: