БҮГИН ЖУРТЫМ ЖАМАЛЫ ТИЛДЕ ДАСТАН

Бүгин журтым жамалы тилде дастан,
Дәл тәрийипин бирақ мен береалмаспан.
Ўатанымдай тыныш ҳәм абат елди,
Дүньяны мың айланып табалмаспан.

АТСЫЗ ҚОСЫҚ

Өлең Төлегеннен…

Бiр тойым болатыны сөзсiз, мениң,
Дәл қай күнi екенiн айта алмаймын.
Бiрақ, бiрақ ешкiмдi де билетпей қайтармаймын.
Онда ортаға тасталар үран сондай,
Қайта алмайды қартың да бiр ән салмай.

Сағыныш

Айлы ақшам, отырман жалғыз,
Көзлеримнен қашып нур, уйқы.
Қыялларым тыншымас ҳәргиз,
Алып ушар, өзгелик ерки.

Бахыт формуласы

Турмыс деген қыйын саўда,
Сәл майыссаң сындырады.
Толқынланған дәрьяны да,
Ҳәп заматта тындырады.

Келин болған сиңлиме

…Әлле нени түйип ойына,
Бир ноқатқа тигип нәзерин,
Болып атқан бахыт тойында,
Муңлы ғана отырар келин.

Әрман

Серлеп әтирапты, дүнья ислерин,
Көрдим ҳақ ҳәм наҳақлықтың күшлерин,
Ялғаншы дүньяның напәк ислерин,
Нөсер болып жуўып өтким келеди.

Таптырмас

Бул өмирде мыңсан тәшўиш бар екен,
Кеўиллер шын шийрин сөзге зар екен,
Дүнья сазға толы бир дуўтар екен,
Жуп тарын тең шертер бақсы таптырмас.

Теңлик

Биреўлердиң көп мийнети көринбес.
Биреўлер дым мийнет етип бүлинбес,
Он болмай қалғанда бармақлар бес-бес,
Мен сени излеймен, қайда деп, ТЕҢЛИК.

Дүнья қосықлары

Йошланып, тебренип зибан тарлары,
Шадлыққа аралас қайғы-муңлары,
Сен қәле, қәлеме өмир заңлары,
Дүнья түрли қосық айтқызар, Саған.