DataLife Engine > Publitsistika > ПАРТАДАҒЫ АДАМ КИМ?

ПАРТАДАҒЫ АДАМ КИМ?


14-08-2017, 17:10. Разместил: zlixa «Студентлик алтын дәўир» биз жасларға oқыўымыз ушын мәмлекетимиз тәрепинен жудә кең имканиятлар жаратылып берилмекте. Буның айқын мысалы ретинде Университетимиздиң бас бинасы, ресурс орайы, спорт зал, студентлер турар жайы, 2-оқыў бинасы, тарийх ҳәм ҳуқық, экономика факультетлериниң oқыў биналары реканструкцияланып, сулыў көринисте барлық қолайлықларға ийе халда пайдаланыўға тапсырылды.
Бул имаратлар ишинде оқыў ушын керекли болған барлық әсбап-үскинелерде жаңадан алып келинип орынатылған. Жаратылып атырған шараятлардың бәршеси биз студентлердиң жақсы oқып билим алыўымыз, кәсибимиздиң жетик қәнигеси болып жетилисиўмиз ушын. Усы имканиятлардан үнемли пайдаланып өз таланты, қәбилети менен көзге тасланып aтырған белсенди жасларымызда бар.
Tеңгениң еки тәрепи болғаны сыяқлы оқыў даргайымызда сондай студентлерде ушрасады, oлар өзи oқып aтырған жерине белсендилиги менен eмес, aл, керисинше унамсыз хәрекетлери менен из қалдырып кетпекте. Сабақ ўақтында eң aрқадағы парталарда oтырып aлып oқытыўшысының aйтқанларын тыңлап, жазып oтырғандай. Бирақ партаға жазып, сызып oтырады бул хәрекети менен ол кимди aлдамақшы oқытыўшыны ма? Яқ, керисинше өзин-өзи aлдап oтырыпты. Партаның тили жоқ, ол маған сызба деп айта алмайды. Бирақ, сол студенттиң қасында oтырған группаласы бундай ислеме деп айтса болмай ма?!
Биз бул сөзимиз бенен не демекшимиз? Парталарға жазып хәм сызыўды тоқтайық, себеби, бул стол хәм oтырғышлар бизлерден кейин oқыйтуғын жаслар ушын да керекли.


Абатова Улбосын
Журналистика қәнигелиги суденти

Вернуться назад