DataLife Engine > Publitsistika > Белгили палўан ҳәм илимпаз П.У.Серимбетовтың естелигине турнир шөлкемлестирилмекте

Белгили палўан ҳәм илимпаз П.У.Серимбетовтың естелигине турнир шөлкемлестирилмекте


3-05-2018, 10:34. Разместил: zlixa
Өзбекстан Республикасы Президенти Ш.Мирзиёевтиң 2017-жыл 2-октябрдеги “Гурес” миллий спорт түрин және де раўажландырыў ис-илажлары ҳаққындағы қарарына муўапық миллий спортымыз болған гүрести буннан былай да халық турмысына еңгизиў мақсетинде «Жедел исбилерменлик, инновациялық идеялар ҳәм технологияларды қоллап-қуўатлаў жылы»на ҳәм 9-май «Еслеў ҳәм қәдирлеў күни»не арнап Республикамызға белгили палўан, педагогика илимлериниң кандидаты, доцент Полат Серимбетовтың естелигине бағышланған гүрес бойынша ересеклер ҳәм ҳаял-қызлар арасында Республикалық турнир шөлкемлестирлмекте.
Жарыс 2018-жыл 7-8-май күнлери Қарақалпақ мәмлекетлик университети спорт базасында өткериледи. Мандат комиссиясы ҳәм өлшениў ўақты 2018-жыл 7-май саат 800 ден 1000 ге шекем. Жарыс 2018-жыл 7-май күни саат 1200 де басланады. Жарыс халық-аралық «Гурес» қағыйдасына муўапық алып барылады. Жарысты жоқары таярлықта ҳәм әдил өткериў Өзбекстан Кураш федерациясы Қарақалпақстан Республикасы аймақлық бөлими тәрепинен усынылған ҳәм Қарақалпақстан Республикасы Дене тǝрбия ҳǝм спорт министрлиги тәрепинен тастыйықланған төрешилер қурамына жүкленеди.
Мағлыўмат ушын: Серимбетов Полат Утемуратович 1996-1998-жыллары Нөкис мәмлекетлик педагогикалық институтыныӊ «Дене тәрбиясы теориясы ҳәм методикасы» кафедрасында оқытыўшы, 1998-2000-жыллары Қарақалпақ мәмлекетлик университети «Дене тәрбиясы» кафедрасы үлкен оқытыўшысы, 2001-2005-жыллары Қарақалпақ мәмлекетлик университети Музыка ҳәм дене тәрбиясы факультети деканы, 2008-2010-жыллары «Спорт пәнлери» кафедрасы баслығы, 2011-2013-жыллар аралығында Педагогика факультетиниӊ деканы лаўазымларында жемисли мийнет етти. Оның авторлығында 40 тан аслам илимий мақала ҳәм 8 оқыў-методикалық қолланба баспадан шыққан.


Ҳурзия Ермекбаева,
журналистика тәлим бағдары 1-курс студенти

Вернуться назад