DataLife Engine > Jan'aliqlar > ТАШКЕНТТЕГИ ҚМУ ЖУРНАЛИСТИКА КАФЕДРАСЫНЫҢ КОНФЕРЕНЦИЯСЫ

ТАШКЕНТТЕГИ ҚМУ ЖУРНАЛИСТИКА КАФЕДРАСЫНЫҢ КОНФЕРЕНЦИЯСЫ


17-03-2016, 18:19. Разместил: zlixa Бүгин 17-март күни Ташкент қаласында Өзбекистан Жәҳән тиллери университети халық-аралық журналистика факультетинде Бердақ атындағы Қарақалпақ мәмлекетлик университети журналистика кафедрасы менен биргеликтеги шөлкемлестирилген «Глобалласыў шәриятында информация қәўипсизлиги мәселелери» темасындағы конференция болып өтти. Конференцияны ӨзМЖТУ халық-аралық журналистика факультетиниң деканы А.Жуманазарович кирис сөз бенен ашты. Конференцияға филология илимлериниң докторы, проф. Ф.Муминов модераторлық етти.
Илимий конференияда Өзбекистан Информация қәўипсизлигин тәмийинлеў орайының бас қәнигеси Ф.Солиев ҳәм Л.Бўранов, ҚМУ журналистика кафедрасының баслығы, ф.и.к. З.Оразымбетова, ЎзМУ амалиёт-ўқитувчиси А.Мелибоев, ҚМУ магистри С.Жақсымуратова, ҚМУ студенти С.Камалова, Ташкент Ислам университети студенти М.Шокамалова, ӨзМЖТУ студенти М.Қаюмова баянат жасады.
Конференция информация қәўипсизлиги мәселеси бойынша профессор-оқытыўшылар, студентлер ҳәм басқа да қатнасыўшылар тәрепинен ҳәр қыйлы сораў-жуўаплар түринде даўам еттирилди. Қызықлы мағлыўматларға ҳәм сәўбетке бай болған конференция көпшиликте үлкен тәсир қалдырды.
Конференцияның баянатлары топлам түринде баспадан шығарылды.

Вернуться назад