DataLife Engine > Publitsistika > Грузия менен Өзбекстан вино жетистириўде де бирге ислесиўди жолға қойды

Грузия менен Өзбекстан вино жетистириўде де бирге ислесиўди жолға қойды


1-03-2018, 18:40. Разместил: zlixa Мәмлекетлер менен халықлар арасында бирге ислесиў мәмлекеттиң сыртқы ҳәм ишки экономикасын ҳәр тәреплеме раўажланыдырыўға тийкар болары сөзсиз. Сонлықтан да Өзбекстан менен Грузия мәмлекети бир қатар тараўлар бойынша қарым-қатнасық ҳәм бирге ислесиўди жолға қоймақта. Атап өтетуғын болсақ мийўе ¬ҳәм палыз өнимлерин жетилистириў, олардың сортларын көбейтиў, халықтың ден-саўлығын беккемлеўге тийкар болатуғын өнимлерди жетистириў бойынша келисимге келмекте. Мәселен жүзимгершиликти раўажландырыў бойынша еки мәмлекет арасында келисимге қол қойылды. Бул ҳаққында Сыртқы саўда министлигиниң баспасөз хызмети хабар береди.
2018-жылдың 22-23-февраль күнлеринде Өзбекстан Республикасы Сыртқы саўда министриниң орынбасары Соҳиб Саипназаров басшылығындағы ишки топар Грузия пайтахты Тбилисиде бир қатар министрликлер, мәкеме ҳәм компаниялар ўәкиллери менен ушырасыў өткерди.
Келисимге бола еки мәмлекет жүзим жетистириў, жүзим нәлиниң түрлерин алмастырыў ҳәм оларды жетистириўди илимий жақтан үйрениў бойынша бирге ислесиўди әмелге асырады. Делегация ушырасыў ўақтында вино ҳәм вино өнимлериниң экспортын раўажландырыў бойынша Грузияның тийисли мәкемелери менен сөйлесиўлер алап барды. Атап өтетуғын болсақ, Грузия аўылхожалығы министрлиги қасындағы Вино Миллий агентлигинде лып өткен ушырасыў нәтийжесинде еки тәреплеме тәжирийбе алмасыў, жүзимгершилик ҳәм виношылық тараўындағы бирге ислесиўди буннан-былайда раўажландырыў ҳәм вино-арақ өнимлерин сертификацияластырыў бойынша келисимге келинди.
Ҳақыйқатында да Грузияның жүзим ҳәм мийўели тереклерин көбейтиў миллий орайы менен қол қойылған өз-ара бирге ислесиў меморандумына бола, еки тәрептиң шийки өним базасын үйрениў, илимий жақтан үйренилген ҳәм масластырылыған жүзим нәллерин жетистириў, оны егиў ҳәм импорт қылыўдағы келешектеги жумысларды белгилеп алыў ушын Өзбекстанға жетекши қәнигелер кереклиги атап өтилди.

Оразымбетова З.Қ.
Журналист
Вернуться назад