DataLife Engine > Poeziya > Дүнья қосықлары

Дүнья қосықлары


4-04-2015, 14:46. Разместил: zlixa Йошланып, тебренип зибан тарлары,
Шадлыққа аралас қайғы-муңлары,
Сен қәле, қәлеме өмир заңлары,
Дүнья түрли қосық айтқызар, Саған.

Пәк Жан етип жаратады басында,
Әлпешлейди, аймалайды жасыңда,
Соңынан мың ғаўға салар басыңа,
Дәртли қосықларын айтқызып, Саған.

Муҳаббат шарабын ишкизер алдап,
Бул шийрин, бул ләззет, бул мәлҳәм аптап,
Соңынан жандырар, күйдирер лап-лап,
Айралық қосығын айтқызып, Саған.

Жақсыға жолықсаң өмир жолыңда,
Бир қуўансаң, мың тәшиўиш бар соңында,
Деп:- «Тәғдириң бир өзиңниң қолыңда»,
Әрман қосықларын айтқызар, Саған.

Нелерди көрмейсең бес күн дүньяда,
Дәртте, муңда, қуўанышта бар бунда,
Бәрине де төзим берерсең соңыра,
Хошласыў қосығын айтқызар, Саған.

Вернуться назад