DataLife Engine > Publitsistika > «АНА ТИЛИМ – СЕН БАСҚАДАН АЙЫРМАМ…»

«АНА ТИЛИМ – СЕН БАСҚАДАН АЙЫРМАМ…»


26-02-2016, 10:31. Разместил: zlixa Қарақалпақ тили қарақалпақ халқының миллий әдебий тили болып ғана қалмай, халқымыздың жоқары руўхыйлық ҳәм мәдениятын асырыў, жетискенликлеримиз ҳаққында мақтаныш етиў, өзлигимизди аңлаў ушын тийкарғы қурал. Сонлықтан да оған ҳәр дайым ғамхорлық етип, итибар бериў тийкарғы ўазыйпамыз. Әдебий тилге болған итибар, оның абыройын көтериў ўазыйпасы болса, әдебий тилден пайдаланыўдың қағыйдаларын қатаң сақлаў менен белгиленеди. Қарақалпақ әдебий тилиниң мәмлекетлик тил сыпатындағы орнын тәмийинлеў, жәмийетлик-сиясий, руўхый-мәдений, экономикалық турмысымыздағы ролин асырыў, тәлим-тәрбия, ис жүргизиў, баспа ислери, ғалаба хабар қуралларында жоқары мәдениятлылық пенен пайдаланыў, сөз байлығы ҳәм тилдиң грамматикалық қурылысындағы өзгерислерди қалыс баҳалап барыў, керек болғанда шаралар көриў, тилдиң раўажланыўы ушын саналы қатнас жасаўды әмелге асырыў ўазыйпалары менен тиккелей байланыслы. Соның менен бирге тилге мүнәсийбет, бул – улыўма инсаныйлық мәденияттың ажыралмас бөлими саналады.

Оразымбетова З.
Журналист
Вернуться назад